まいど

营业中

休息中

今日心情有d复杂，天气好似凉左d，但我只系着左短袖。出左门口唔想反去，所以唯有揾的暖野食。打边炉系正，但一熄炉感觉又冻反，食辣嘢反而耐寒，因为辣味刺激五内翻腾。而食辣野我第一时间梗系谂起韩国菜。🍖就系咁我黎到呢间餐厅，睇住餐牌即刻想点一直深入民心嘅辣炒拉面。仲比我发现有惊喜，佢嘅炒拉面仲有埋芝士同年糕。结果系个口感非常丰富，拉面喺爽弹，年糕喺烟靱，芝士柔软，而且因为温度够热，捞埋一齐做到好强既拉丝效果，视觉同口感都变化万千。味道亦都系相当出色。芝士份量十足，又非常浓郁。另一方面传统嘅韩式辣酱简直就系呢一个面嘅灵魂。弯弯曲曲嘅拉面同圆碌碌既年糕都非常容易挂上酱汁。韩式辣酱独有嘅辣劲，会令您越食越过瘾，越想追食。因为个胃充满左辣酱同淀粉质，顿时成个人暖哂。🍖另外我又叫左雪浓汤，热辣辣嘅牛骨汤味道真系好浓郁，入面既牛肉略带肥肉，又适当带有嚼劲，配合埋相对煮得林身嘅面条，口感丰富，又系一个一口接一口，唔舍得停既菜式。✨️就系咁，我一啖拉面又一啖雪浓汤，一个人完成左两个菜式。离开嘅时候，成个暖哂，而且饱住个肚，感觉成个下午身体都特别强壮。体力满满。