加藤屋 (H.A.N.D.S) (已結業)

良心餐廳加藤屋以牛肉飯起家，但我最鍾意佢地嘅雜炊飯，天氣凍凍地時食最窩心💕今次第一次去安定呢間分店幫襯，環境都幾寛敝，除低口罩食飯都不至於太擔心😉一如既往叫咗個壽喜燒雞肉雜炊鳥冬，跟玄米茶（$42）配料非常豐富同健康，有滑雞肉、豆卜、蟹肉棒、獅子狗、雞蛋、金菇、粟米、木耳、海量嘅娃娃菜，真心夠晒營養，口感又豐富😚我+$2由飯轉咗烏冬，因為佢嘅烏冬絕對唔cheap, 食落似係讚岐烏冬，口感煙韌又唔易斷，而且無酸味，分量又多！而壽喜燒湯底甜甜地，有啲似以前吉邊果隻湯底（好耐無食😂）不過較其他湯底多油 真心好鍾意呢間連鎖黃店，希望大家多多懲罰，愈做愈大，比啲骨氣唔好幫襯對家呀！💛