臻.茶 (Mikiki) (已結業)

今日同男朋友有啲事要做，所以去新蒲岗mikiki 入面行下。食完野有啲口渴，经过见到间臻茶，见到桃系列饮品几吸引，所以就试下。我男朋友就比较养生，唔饮奶盖同冻饮。左边系芝士桃桃，即系奶盖桃茶（？）又唔似沙冰，整体上个味道系唔错，不过一直饮都饮唔到啲奶盖，可能系因为啲奶盖太实？ 我个人喜欢啲奶盖水状啲，一路饮会慢慢同杯饮品融埋一齐。呢杯唔会，饮到底仲有啲奶盖系到😅 最底有啲粒粒桃，唔知系因为唔当造定点，啲桃比较实又唔甜完全冇味🤔右边系热嘅暖暖紫薯，我男朋友话见到佢用紫薯粉，而唔系用新鲜嘅紫薯，我饮过一啖，甜度都适中，唔会太甜或者太淡，饮饮下仲饮到啲类似番薯根嘅嘢，一路饮嘅时候都饮到啲紫薯落口，所以我真系唔知佢到底系用紫薯定系紫薯粉，不过呢杯野宜家凉凉地饮就啱晒，下次我可能会饮呢一个。