影片
更多
2017-12-17
98 浏览
呢几晚开始天气冻，好彩一早约左朋友去铁鱼食火锅，可以暖下身之余，又可以同朋友慢慢食野聚旧。话说，香港食火锅既餐厅真系好多，而呢间我睇完食评之后，真系好吸引我呢d想试新野又花心既人去食！😍黎到餐厅，感觉装修都几有格调，可以人少少两个人食，又可以一家大细黎食，唔错！我同我好朋友因为得两个人既关系，就只系叫左「铜鱼」餐既青柠越式烤鱼，由店员介绍食江团鱼，话质感会滑d多肉d，于是我地就决定一试。仲有好多惹味前菜☘️☘️过左一阵，一大盆又香又热既鱼锅送上，店员好细心咁帮我地调教热度同切细条鱼，等我地可以食得容易d，然后仲不时帮我地加水，服务好好。讲番条鱼先，食落第一啖，真系好香口又啖啖肉，店员话系烤过先再汤煮，所以会封住鱼既鲜味又唔会散，而且呢只鱼又唔多骨，加上青柠酸酸甜甜既味道，好鬼开胃！我同朋友都食到唔记得仲有其他海鲜同配菜。由于我地都唔算大食，所以「铜鱼」可以选择既四款海鲜：海虾、圣子、花蛤同托托蚬，虽然唔系任食，但份量都已经好足够，而且食落都好新鲜。另外肉类方面，我地就选左手切安格斯牛、黑豚腩片、黑椒肠同芝士双响，真系又有惊喜㖞！每款肉类都好高质，尤其安格斯牛，佢每片既厚度都刚刚好，而且又好
黎到餐厅，感觉装修都几有格调，可以人少少两个人食，又可以一家大细黎食，唔错！
我同我好朋友因为得两个人既关系，就只系叫左「铜鱼」餐既青柠越式烤鱼，由店员介绍食江团鱼，话质感会滑d多肉d，于是我地就决定一试。仲有好多惹味前菜☘️☘️
过左一阵，一大盆又香又热既鱼锅送上，店员好细心咁帮我地调教热度同切细条鱼，等我地可以食得容易d，然后仲不时帮我地加水，服务好好。
讲番条鱼先，食落第一啖，真系好香口又啖啖肉，店员话系烤过先再汤煮，所以会封住鱼既鲜味又唔会散，而且呢只鱼又唔多骨，加上青柠酸酸甜甜既味道，好鬼开胃！我同朋友都食到唔记得仲有其他海鲜同配菜。
由于我地都唔算大食，所以「铜鱼」可以选择既四款海鲜：海虾、圣子、花蛤同托托蚬，虽然唔系任食，但份量都已经好足够，而且食落都好新鲜。
另外肉类方面，我地就选左手切安格斯牛、黑豚腩片、黑椒肠同芝士双响，真系又有惊喜㖞！每款肉类都好高质，尤其安格斯牛，佢每片既厚度都刚刚好，而且又好有牛味，真系食到停唔到口！
最后，饮埋佢地两款自家制既饮品-菊花姜蜂蜜茶同红桑梅蜜，就好饱足咁完成左我地星期日既晚餐，准备迎接我地又一星期既工作既开始！
张贴
