Agura東京ラーメン (已結業)

星期一晚上尖沙咀揾食，周围都好似冷冷清清，行到金巴利街附近，突然想食拉面，想起agura. 唔驶等位，店内亦只有3个人，店员殷切招待我地坐，并介绍menu. 我地拣左细面（鱼介猪骨汤 / 鱼介酱油汤）各一，另外叫多一只半熟蛋share. 店员细心地问驶唔驶分开每碗比半只，细心到即刻加晒分。当晚都几冻吓，店员不时为我地添加热茶，抵赞。至于食物，当然好ok啦。 汤底是拉面的灵魂，因此每次吃拉面时都例必先喝一口汤，自然就知拉面的质素高低。而本人一向是浓厚猪骨汤的粉丝，愈浓味愈美味，但弊处是其后往往口渴大发，要大量灌水！不过依度嘅鱼介猪骨汤拉面，味道够浓之余又不至重口味。鱼介汤其实煮法几复杂，用唔同种类嘅鱼干，例如鲭鱼和沙甸鱼介等，连同猪骨、鸡骨及蔬菜熬上十小时，其后再把浓汤冷冻成啫喱状，收到柯打后再翻热，保证每碗的味道相同。佢嘅鱼介猪骨汤质地非常薄，一入口先甜后浓，味道丰富，做到浓、香、鲜味兼备。拉面配料有秘制的薄身叉烧，入口即融，美味！仲有半熟蛋，糖心一流。