壹級日本料理 (已結業)

今日嚟到大围呢间日本料理， 见天气咁冻就拣咗个火锅嚟食汤底拣咗龙虾汤，汤底嘅味道非常之浓郁 未食已经闻到浓浓嘅龙虾味。墨鱼滑非常新鲜配合龙虾汤味道一流。食日本火锅点少得竹轮圈，味道无得弹。熊本鱼饼第一次食好有特色鲩鱼腩同大蚬都非常之新鲜呢个五花腩无得顶，平时一般嘅打边炉我系唔会食腩肉，但呢个油脂香而不腻极推荐。呢度嘅牛舌好冧煮完之后都唔会话好韧虾好新鲜我仲因为咁练成咗新嘅绝技筷子剥虾犇拼盘 有安格斯西冷片，和牛粒同埋牛脷。和牛粒嘅油脂非常之丰富，食落去有淡淡嘅油香!安格斯西冷扒呢就有好浓沃嘅牛味爱食牛嘅人必选。