樂湯雞麵館 (登龍街) (已結業)

呢几日都落雨，天气凉凉地。最岩食D暖笠笠既野，所以简左鸡汤翅。砂锅花胶鸡汤翅呢款应该系招牌，砂锅上台时超级热辣辣，劲多烟，觉得冬天食一定仲正。今次我配米线食~ 入面有鸡件，有花胶。花胶扒好大块，好足料。鸡件肉质几好，唔会有雪藏味。汤头浓郁，入口鲜甜，同米线食都好夹。砂锅鸡汤翅朋友叫左呢款配粉丝，材料大同小异，配粉丝索晒汁，一样好食。唔觉唔觉都饮晒D汤! 食完个胃都好暖。凉拌海蜇手撕鸡呢个有惊喜，好开胃既一个冷盘。唔食辣既朋友都岩晒，会越食越上瘾，海蜇口感十分清爽。云腿浸娃娃菜份量都几多，菜都吸晒汤汁，唔会太咸，感觉好健康。最后加2杯冻豆腐，唔会太甜，完美!