友利冰室 x 勿當奴 (D2 Place TWO) (已結業)

天氣咁凍就想食羊腩煲，去咗位置好方便嘅友利食，餐廳地方好大，我哋入咗個火鍋區。火鍋有3個湯底揀，咁凍緊係食羊腩煲啦。打邊爐嘅話嘢飲任飲，我飲咗2支茶！火鍋餐包咗呢啲食物，蘿蔔好甜！唔夠嘅話可以另外再加，但我哋2個人食，都夠晒飽喇。羊腩煲嘅羊好嫩，多肉，同埋份量都多，落埋生菜，點埋腐乳醬真係好夾味好好食，仲有超多腐竹，個湯底好入味㗎！個餐包埋一個甜品，可以自己揀，meiji呢款朱古力雪糕大杯又好食！