榮哥煮場 (已結業)

最近天气冻咗好多，同朋友食饭都想食啲热辣辣嘅嘢，朋友想食小菜就拣咗呢间位于山东街嘅小菜馆「荣哥煮场」。同朋友拣咗几抵食嘅二人套餐。套餐拣一款煲、一款小菜、跟白饭、前菜、及甜品。云耳味道酸酸地非常醒胃，想滋味啲可以配餐厅提供嘅辣椒豉油。酸甜蓝莓骨 : 平时都系食开糖醋骨、咕噜肉，蓝莓骨就真系第一次食，味道甜甜酸酸之余带点蓝莓味，估唔到都几夹。浓汤花胶鸡煲 : 鸡煲份量非常足料，汤底味道浓郁得嚟唔油腻，而且重有个火炉一直煮等佢唔会冻，鸡肉口感嫩滑，花胶亦非常大件，是日甜品系清甜嘅桃胶雪耳炖雪梨。