味仟食店

营业中

休息中

天气转凉，所以夜晚想食返个煲仔饭暖下身。我地8点左右去到，前面已经有6，7个人排紧队。不过喺排队时职员已经帮我地落咗order先，所以就算佢系即场用炭火整每一个煲仔饭，都唔洗等太耐，由排队开始计，大概40分钟个煲仔饭已经喺我地面前。 我地叫咗辣鸡煲仔饭，辣肉饼润肠煲仔饭，同一碟马拉盏通菜。两煲嘅𩠌都唔错，我几钟意个肉饼，肥瘦适中。饭嘅份量刚刚好，饭焦刮就甩，够脆又唔会太焦，火喉控制得👍。最令我印象深刻系佢嘅「辣」，味道似辣豆瓣酱，不佢另外再加咗蒜同葱，非常惹味。 不过有心理准备铺头比较细，要坐得逼少少。