名川苑雞煲火鍋 (已結業)

天气跌到十四五度，出街食饭一心想打边炉。旺角食开个间已结业... 周围行见附近有鸡煲火锅食就入座。原本想食芝士鸡煲，隔离枱大大个瓦煲上好香仲几足料。可惜朋友病左要戒鸡，所以汤底拣鸳鸯锅，一煲两味。汤底有平有贵，当然贵既用料有返咁上下，例如田鸡煲、明炉烤鱼，因为工序复杂坊间比较少有既。鸳鸯锅味道特别向职员查询味道，平时出面指清汤+沙嗲汤，而呢间提供系麻辣+养生汤$72价钱合理。汤底材料丰富，养生汤甜甜地好滋补，麻辣汤原来较过香港人口味所以唔系好辣亦都唔麻。打边炉点少得牛呢？想食得精拣左比较靓既本地手切牛，新鲜牛做火锅料我都系第一次食。一碟牛价钱同分量成正比，都有二三十片，而且肉质结实色泽红。靓肉食原味，夹一片去养生汤灼十秒熟即可以食，肉纤维细腻，牛味浓唔会有膻味呀。另外肥膏量唔多，唔会整油汤底。之后仲食左丸类芝士肠生根，不过无影相。倾计讲到无聊点埋凉拌云耳。 酸酸地好开胃，可以中和食火锅既油腻。如果芫荽切碎同云耳一齐腌会更入味。在场见一开门即使有位，但已有不少熟客亲身来订位预留食物，似乎愈夜愈旺场呢。