影片
更多
2022-12-18
123 浏览
天气冻冰冰最啱就系食火锅，青衣城呢间成日都好多人等位，今次就黎试下佢有几好食！我同朋友都钟意打边炉食牛，就拣咗SET D美牛三重奏，入面包任食美国SRF和牛、极品美国牛小排同美国CAB牛坑爪，另外仲可以食SET A、B、C的食物，变相一个放题价钱可以食到四个的食物，90分钟放题都系$300， 真系超抵！一人锅汤底有11款的选择，当中拣咗浓郁台式麻辣鸭血汤同清甜的寿喜烧风味汤底，麻辣鸭血汤真系够麻够辣，愈食愈浓味，配美牛套餐就啱哂。除咗鸡牛猪之外，自助放题区仲有各类的丸、多款任夹的配菜。雪柜入面有多种新鲜翠绿的蔬菜，我地食咗油麦菜，配寿喜烧味道好清甜，仲有中华沙律、野菜沙律等开胃前菜。饮品多到真系会有选择困难症，有啱哂女仔的无糖茶。食之前要记得去混酱，有9样火锅配料任拣。一次过用QR CODE落单，先黎每样一款先，都已经好壮观。肉类真系CP值高，牛肉雪花够密，颜色够红，牛味劲浓，配麻辣汤底都唔会比佢盖过。猪肉片够薄，渌一阵已经食得。鸡肉唔好忽略啊，渌耐咗都唔会柴，唔会输比牛同猪。麻辣真系太辣，要食得舒服可以食仲支雪条食，有三款明治雪条同一款蜜瓜雪糕，海盐荔枝雪条真系好正，清清地唔系好甜又
天气冻冰冰最啱就系食火锅，青衣城呢间成日都好多人等位，今次就黎试下佢有几好食！
我同朋友都钟意打边炉食牛，就拣咗SET D美牛三重奏，入面包任食美国SRF和牛、极品美国牛小排同美国CAB牛坑爪，另外仲可以食SET A、B、C的食物，变相一个放题价钱可以食到四个的食物，90分钟放题都系$300， 真系超抵！一人锅汤底有11款的选择，当中拣咗浓郁台式麻辣鸭血汤同清甜的寿喜烧风味汤底，麻辣鸭血汤真系够麻够辣，愈食愈浓味，配美牛套餐就啱哂。
除咗鸡牛猪之外，自助放题区仲有各类的丸、多款任夹的配菜。
雪柜入面有多种新鲜翠绿的蔬菜，我地食咗油麦菜，配寿喜烧味道好清甜，仲有中华沙律、野菜沙律等开胃前菜。饮品多到真系会有选择困难症，有啱哂女仔的无糖茶。
食之前要记得去混酱，有9样火锅配料任拣。
一次过用QR CODE落单，先黎每样一款先，都已经好壮观。
肉类真系CP值高，牛肉雪花够密，颜色够红，牛味劲浓，配麻辣汤底都唔会比佢盖过。猪肉片够薄，渌一阵已经食得。鸡肉唔好忽略啊，渌耐咗都唔会柴，唔会输比牛同猪。
麻辣真系太辣，要食得舒服可以食仲支雪条食，有三款明治雪条同一款蜜瓜雪糕，海盐荔枝雪条真系好正，清清地唔系好甜又可以解辣。
我地女仔食就好够，但男士要食多D仲有咖哩饭、炸池鱼仔、炸鸡等熟食，当中枝豆系必叫，系火锅店好少见的。
最后当然要食甜品做结尾，5款蛋糕同泡芙都好好食，当中有我最钟意食BROWNIE。
张贴
