元朗合隆潮州粉麵 (德仁街)

营业中

休息中

天气凉凉地，最啱饮返碗胡椒猪肚汤暖暖胃，呢度嘅白胡椒猪肚汤，汤底鲜甜，咸淡适中，带有胡椒嘅香同辣，唔会呛喉。每逢午饭时间一定要排队，真系要早啲黎先得。配料拣左猪润🐷、猪肺🐷、墨鱼丸🦑。我碗猪润好好味，唔老，但朋友𠮶碗就有啲过熟，有啲靭，真系要睇下好唔好彩。猪肺冇异味，吸左胡椒汤好入味，正。墨鱼丸都系推介，好弹牙鲜甜，一啲都唔实。另外叫左小食花雕醉鸡🐔同上汤白萝卜。醉鸡好入味，酒香得黎仲带啲甜味，好好味。白萝卜冇渣，吸哂汤几清甜，但系饮左胡椒汤再食萝卜就淡左啲。值得一提系自家制金银菊花茶🌼，唔会太甜，好足料，好解渴清热。