影片
更多
2010-04-23
24 浏览
寻晚同男友大人一齐睇openrice见到呢间清真馆...好似好正咁...因为呢期我哋两个好羊...所以今晚同大人喺屋企会合行去试羊宴。其实佢个地址正正喺雷生春对面，都算深水埗地段。羊肉食物款式都算唔少，搅到我同大人都谂咗好耐先取舍到叫咗清炖羊肉汤、草原羊肉粗炒同京葱羊肉锅贴，全部外卖，因为小女子想一边睇肥皂剧一边食嘛。落完order应该系老板同个收银婶婶都提我哋至少要等三个字以上，主要当然系即叫即整啦，尤其个锅贴仲要需时啲。大概真系十几分钟有货攞就立即跳上的士，喺车上途中大人不断话好香好香。嘻!一返到屋企我第一时间打开个羊肉汤(料同汤分开上)，好香，再呷一啖....好香浓羊味而一啲都唔膻，虽然系咁但系饮落同时有好清嘅感觉，汤料绝不骗场，有大大旧羊肉6件加粉丝一堆仔，羊肉件肉味唔太重，可能用以炖汤嘅关系，不过胜在肉质嫩淋连皮食都好正。不过咪话饮完个汤个胃都暖啲。草原羊肉粗炒，一定要叫草原，因为系老板介绍，而且佢哋有普通羊肉粗炒。面质同上海粗炒无异，但系味道就截然不同，香料味真系好难同笔墨形容，真系有种新疆菜风味，而且仲带微微辣野味非常，𩠌料嘅羊肉就味重搅到唔知食紧啲咩...肉似牛非牛..
其实佢个地址正正喺雷生春对面，都算深水埗地段。
羊肉食物款式都算唔少，搅到我同大人都谂咗好耐先取舍到叫咗清炖羊肉汤、草原羊肉粗炒同京葱羊肉锅贴，全部外卖，因为小女子想一边睇肥皂剧一边食嘛。落完order应该系老板同个收银婶婶都提我哋至少要等三个字以上，主要当然系即叫即整啦，尤其个锅贴仲要需时啲。
大概真系十几分钟有货攞就立即跳上的士，喺车上途中大人不断话好香好香。嘻!
一返到屋企我第一时间打开个羊肉汤(料同汤分开上)，好香，再呷一啖....好香浓羊味而一啲都唔膻，虽然系咁但系饮落同时有好清嘅感觉，汤料绝不骗场，有大大旧羊肉6件加粉丝一堆仔，羊肉件肉味唔太重，可能用以炖汤嘅关系，不过胜在肉质嫩淋连皮食都好正。不过咪话饮完个汤个胃都暖啲。
草原羊肉粗炒，一定要叫草原，因为系老板介绍，而且佢哋有普通羊肉粗炒。面质同上海粗炒无异，但系味道就截然不同，香料味真系好难同笔墨形容，真系有种新疆菜风味，而且仲带微微辣野味非常，𩠌料嘅羊肉就味重搅到唔知食紧啲咩...肉似牛非牛...事实又系羊。而个锅贴我就冇咩期望(大人指定要叫)，因为我唔太钟意食啲啲厚皮嘅嘢...一啖咬落去虽然都系一贯锅贴厚嘅皮，但系啲肉汁就多到不得了，仲吱到成裤系，调味同羊肉好夹有啲葱香，真系好好味。
食完之后大人话一定要encore...我都系咁话....下次我一定要试羊肉饼同咖喱羊。
张贴
