和拉麵

营业中

休息中

平时经过大埔墟有一间拉面店，开左大约几个月，今次经过就去试吓招牌菜-拉面。首先我哋喺门口睇吓餐牌，原来都几多小食款式选择，仲有我最钟意嘅炸鱼饼。香煎鱼饼煎得好香，远处已经闻到鱼饼嘅香味，食落去外脆内软，而且煎鱼饼好大块，再点小小泰式辣酱，更加滋味。拉面好大碗，卖相非常吸引，入面除咗有紫菜、葱粒、荀同埋木耳条之外，仲有好大嘅豚肉，而且拉面好入味，面质烟烟靭靭，好有口感。每一张枱都有一个壶仔装住啲自家制麻辣芽菜，放少少入拉面一齐食，除咗有麻辣嘅味道之外，芽菜非常爽口入味，我哋好快就食晒了。总括而言，喺大埔墟嘅拉面店算系数一数二高质素，下次一定会再encore，试吓其他款式嘅拉面。