亞萊嘜嘜 (已結業)

依间餐厅都近近地铁站，环境休闲坐位舒服，唔会话迫住坐咁，食物份量又多，好啱成班人一齐聚会，衬圣诞去食火锅暖下聚下都正阿，果日见到好几班人聚会成抬野食，好幸福。泰式羊腩咖哩煲：羊味道上冇咩苏味，甚至食落都唔觉似羊肉，好香又够入味，肉质上好咬口，熟度合适，我就觉得几好食。太阳虾饼：好大份，原本以为会好济，但食落唔会话好济肚🤣味道反而甜甜地几清新，我自己一个不知不觉就食咗好几块。百鸟归巢：入边有鸡肉辣椒同埋腰果，我就几钟意食，因为味道好入味蕾，辣辣地酸酸甜甜，而且个鸟巢系食得，底部放有芥兰菜叶，食落似紫菜，好有惊喜，好似成盘都食得咁。冬阴公海鲜杂锦火锅：份量好足，有好多唔同种类嘅海鲜，而且海鲜很新鲜，唔会有鱼腥味，冬阴公汤底味道入味，系心目中既味道，有少少偏辣，抵食！原只泰式香茅烧鸡：睇住佢系我哋面前烧，暖笠笠好过瘾，烧熟之后可以拣就咁用手自己食，或者叫厨房帮我地切开，咁我哋就切开食，另外配一个甜酸酱，味道不过不失，都几好。芒果沙冰：呢款芒果甜甜地，大众好易接受，不过可惜冇芒草肉，但也不错。橄子沙冰：椰汁都系偏甜，但味道都唔错啊，我自己都饮得晒。