影片
更多
2018-05-24
4829 浏览
自从转左新工后都好耐无同旧同事联络，早排系工作嘅群组入面知道其中一个好同事都即将离职，所以就夹埋其他人一齐同佢FAREWELL一番。因为知道呢度非常旺场，所以一早BOOK定枱准时齐人入席。坐低无耐就见到可以任饮清酒，所以二话不说就加钱升级畅饮一番。美酒配佳肴，一乐也。先黎系前菜小食三味。最钟意系味增腌大蒜，无刺鼻嘅蒜辣味反而甘甘甜甜的好开胃。因为知道同事爱吃芝士，特意点左个一口炸芝士俾佢一饱口腹。芝士味几香浓，入口微咸热辣软糯。唔错。四品刺身盛：原板北海道海胆并带子／象拔蚌及三文鱼腩。每样都十分新鲜肥美为今餐打响头炮。原条喜知次刺身。作为日本三大名鱼之一，用黎FAREWELL绝不失礼。幸好店员系入座时提及返左靓货，否则较难遇到。北海道海胆味道鲜甜，入口即化。配上酥脆海苔片，滋味在口腔久久不散。喜知次鲜美丰腴，入口肉质结实弹牙，以炙烧方式带出鱼皮嘅油香，令食起上黎口感更丰富。而三文鱼腩则以厚切方式突出其肥美嘅滋味。带子及象拔蚌同样鲜甜，其中有个以酱油腌渍嘅象拔蚌尾部，爽脆又鲜香。将容易被人忽视嘅部份都物尽其用，厨师心机由此可见。刺身过后就到左今晚嘅重头戏：近江牛全宴。近江牛可能系港人比较
坐低无耐就见到可以任饮清酒，所以二话不说就加钱升级畅饮一番。美酒配佳肴，一乐也。
先黎系前菜小食三味。最钟意系味增腌大蒜，无刺鼻嘅蒜辣味反而甘甘甜甜的好开胃。
因为知道同事爱吃芝士，特意点左个一口炸芝士俾佢一饱口腹。芝士味几香浓，入口微咸热辣软糯。唔错。
四品刺身盛：原板北海道海胆并带子／象拔蚌及三文鱼腩。每样都十分新鲜肥美为今餐打响头炮。
原条喜知次刺身。作为日本三大名鱼之一，用黎FAREWELL绝不失礼。幸好店员系入座时提及返左靓货，否则较难遇到。
北海道海胆味道鲜甜，入口即化。配上酥脆海苔片，滋味在口腔久久不散。
喜知次鲜美丰腴，入口肉质结实弹牙，以炙烧方式带出鱼皮嘅油香，令食起上黎口感更丰富。而三文鱼腩则以厚切方式突出其肥美嘅滋味。带子及象拔蚌同样鲜甜，其中有个以酱油腌渍嘅象拔蚌尾部，爽脆又鲜香。将容易被人忽视嘅部份都物尽其用，厨师心机由此可见。
刺身过后就到左今晚嘅重头戏：近江牛全宴。近江牛可能系港人比较少接触嘅牛种，但佢系同松阪、神户并称日本三大和牛嘅美味牛肉。
店员送上牛肉后亦奉上呢个庖丁解牛图。等我地顺着牛嘅部位由淡至浓咁食匀呢只顶级牛牛。
靓牛肉无需花款调味，只要一点点岩盐就足够了。
最先食佢嘅牛舌／牛臀／牛腿上肉。牛肉一放上网烧，其中嘅油花引燃出闪亮火光，由此可见牛肉嘅肥美程度。首三个部位肉味都系淡口一点，品尝嘅系佢腍滑嘅肉质同咬口。
之后系牛腿／牛肩／牛颈脊。肉味比前三者更香，雪花同肉嘅比例大约五十五十，觉得咁嘅比例刚好。油脂同肉味唔会抢过对方，而且食落口感较结实，咀嚼时香味慢慢渗出。
咁肥美嘅牛肉，最啱配上一口白饭黎食。一来降低油腻感二来白饭嘅甜味同牛脂结合，更相得益彰。
最后系牛小排／西冷／肉眼。亦系本人最爱嘅部份，油脂最丰富最甘香嘅三个部位，熟度保持系五成熟入口半溶未溶，咀嚼时肉香四散真系令人回味无穷。
大家仲有少少意犹未尽，就点多个明太子大虾及芝士年糕。大虾肉细致，配上咸香明太子的确不错。而年糕则烟韧软糯，以两款轻食作结啱啱好。
晚饭最后再食埋个海盐雪糕，冰冻酸爽嘅味道将整晚嘅饱满感一下子送入胃袋深处，亦将滋味回忆深深地烙入脑海之中。美食永远都系维系感情及关系嘅不二法门，可以同朋友／同事以食聚旧，谈笑风生，咁先系生活嘛。
张贴
