Noc Noc

营业中

休息中

陪朋友行完成日买完野之后，就打算揾处地方休息食饭倾下计，见呢到环境睇落去唔错几有FEEL，佢系酒吧兼西餐厅形式，另外见佢电视都有足球直播赛事睇，于是就入黎试下先。由于呢排啱啱病好，所以今晚决定唔叫酒饮，我地叫左NOC NOC 摩天轮($158)、德国咸猪手($198)、墨西哥铁板烤牛柳($138)、LIME SODA($48)LIME SODA：一开始饮第一啖会觉得比较酸，但后期开始D冰溶化时就啱啱好 墨西哥铁板烤牛柳：佢呢碟菜可以先就食铁板上面D牛柳同洋葱丝先，煮得几入味然后就可以自己DIY喺墨西哥饼上面放上牛油果、牛柳、菇条等，再根据自己口味加上3色酱，分别系白色酸忌廉、绿色牛油果酱、红色Salsa酱。包起黎食，觉得自己都DIY得几好味NOC NOC 摩天轮：呢个精美版嘅小食拼盘，以摩天轮形式嘅餐具上菜，真系睇见都开心佢5格篮分别为炸鱼柳条、Mozzarella芝士条、辣脆薯角、炸鱿鱼圈、沙律菜。可以样样都试下，佢炸得都几唔错，另外仲有配上3款酱汁可以点黎食德国咸猪手：除左猪手之外，另外仲有配菜薯角同沙律菜可以食。外层块皮炸得香脆，而猪手肉质嫩滑，肥瘦适中食食下先发觉原来份量都几大