影片
更多
2018-11-18
138 浏览
因家人在附近住，家人见呢间pizza新开所以去试吓。首先，一入去好似去咗大XX快餐店咁，门口完全无其他分店嘅reception位，每个人都系自己入去揾位坐，餐具、水、酱料、牙签等全部自己出去攞嘅。最差嘅设计系佢d枱，全部都系不能移动的，所以全部只有2/4人枱，我地咁啱5个人，要分2张枱坐，中间就隔咗成大条罅，d食物要搬嚟搬去，非常唔方便，亦完全唔适合一大班人去食。可能仲入新开无几耐，d工作人员未熟，我地食咗约40分钟，有几枱客送错order，我觉得都仲叫情有可原，但d服务员嘅工作态度认真差。我附近有一枱客，初时好声气同个服务员讲话佢送错食物，点知个职员单都唔对就话无错，后尾个客开始㷫话叫佢地对吓张单先，职员先发现真系衰咗，仲要话「咁换过俾你啰」，连道歉都无。仲要d职员成日企埋系一边倾偈，人地举手问嘢又扮睇唔倒，唔知呢d系咩服务质素？另外有一样又系超搞笑，佢呢间店系要出去收银处先点餐俾钱，再送到你枱嘅，有好多餐店都系咁，无咩大问题。但去收银度问佢攞个餐牌，念住埋去张枱同家人商量食咩，佢竟然话餐牌得一份，唔可以攞走，你可以用电话影咗番去睇咁㖞。PIZZA呢样嘢好多时都系同人share嚟食，
首先，一入去好似去咗大XX快餐店咁，门口完全无其他分店嘅reception位，每个人都系自己入去揾位坐，餐具、水、酱料、牙签等全部自己出去攞嘅。最差嘅设计系佢d枱，全部都系不能移动的，所以全部只有2/4人枱，我地咁啱5个人，要分2张枱坐，中间就隔咗成大条罅，d食物要搬嚟搬去，非常唔方便，亦完全唔适合一大班人去食。
可能仲入新开无几耐，d工作人员未熟，我地食咗约40分钟，有几枱客送错order，我觉得都仲叫情有可原，但d服务员嘅工作态度认真差。我附近有一枱客，初时好声气同个服务员讲话佢送错食物，点知个职员单都唔对就话无错，后尾个客开始㷫话叫佢地对吓张单先，职员先发现真系衰咗，仲要话「咁换过俾你啰」，连道歉都无。
仲要d职员成日企埋系一边倾偈，人地举手问嘢又扮睇唔倒，唔知呢d系咩服务质素？
另外有一样又系超搞笑，佢呢间店系要出去收银处先点餐俾钱，再送到你枱嘅，有好多餐店都系咁，无咩大问题。但去收银度问佢攞个餐牌，念住埋去张枱同家人商量食咩，佢竟然话餐牌得一份，唔可以攞走，你可以用电话影咗番去睇咁㖞。PIZZA呢样嘢好多时都系同人share嚟食，会问吓大家意见，你竟然话得一份餐牌唔俾拎，真系几搞笑㖞，乜整几个餐牌好贵咩，咁大个集团唔系悭成咁呀嘛。
总括嚟讲，呢间嘢我无咩必要系唔会再帮衬，因为店舖设计同埋服务质素都好差。
张贴