稻香 (德福廣場2期)

营业中

休息中

今晚去食稻香任食火锅，本人去过其他分店食同样任食火锅，德福分店系第一次，亦都会系最后一次。火锅时段由8:30pm开始，我9：15pm左右入座，开巿唔够1个钟，全场未坐满，但汤底话冇肉骨茶汤底，我算。点个皮蛋芫茜汤....仲淡过清汤......算。下单后等左好耐先上左4碟野....其他都冇黎，再下单追问先被告知好多食物沽清。有咩冇呢，等我讲下，虾、蚬、八爪鱼片、花雕鸡件、芝心丸、芝士年糕。我地两个人食野，唔可能全版点菜纸都点满，但我点既野食都有6样野食无，咁我都算好运。最离谱系菜，我落单唐生菜、娃娃菜，打边炉最基本啦，都无。然后我问仲有咩菜...得返白菜仔/油麦菜....好啦，叫碟白菜仔，点知白菜仔走出只曱甴....系咪真系咁玩我先......灰左。其实你咁大个集团，系咪真系冇心做任食火锅呢？定系要控制成本去到咁取巧呢？我食过其他分店，系有沽清情况，但冇咁夸张啰！不过要赞一赞有一个员工，佢最后帮我做结帐，我冇睇到佢叫咩名，但佢真系好好服务。其他员工都hea答hea做，饮食业工时待遇都一般，明白好难做到有heart 会笑，欣赏佢。