寶城餅店 (教育路)

营业中

休息中

宝城嘅蛋挞真系一试难忘， 每一次经过宝城都会闻到新鲜出炉蛋挞嘅香味， 而家呢种香港传统嘅饼舖都越嚟越少啦， 大集团连锁铺总有一间喺左近， 传统小店都可以坚持到而家实在难得。今日食完晏经过， 本来都已经饱到捧住个肚㗎喇， 但系闻到都系忍唔住要买返个蛋挞。佢嘅牛油蛋挞嘅饼皮好松化，唔会太实又唔会太松散， 好香牛油味， 佢啲蛋浆味道又唔会太甜， 蛋味浓。平时买就会畀埋袋嘅， 不过今日谂住买完即刻食所以都系环保啲悭番个胶袋啦， 如果买够四只仲有埋盒添。