影片
更多
2021-09-16
110 浏览
之前一直有听过佢嘅大名，今次终于有机会去试下。简单讲就系暂时食过最好食嘅米线。地点好近尖沙咀地铁站，B出口行2分钟都唔使。不过要提一提嘅就系大家唔好咁傻猪猪行楼梯上去，佢左边系有升降机的。我哋第一次就系行楼梯上去，作为一个好少运动嘅人都咪话唔辛苦。餐厅基本上全部都系卡位，坐落都几舒服。重点系佢入面播紧啲歌全部都好对我嘅口味，旧嘅广东歌又有，英文歌都有，就连一啲比较旧嘅TVB电视剧主题曲都有。听起来舒服嘅同时都可以成为同朋友之间倾计嘅话题，呢部分真系想畀满分佢。 整体嚟讲环境十分舒服。而且职员态度都唔错，我哋问咗好多问题都好有耐性咁答我哋。呢一点真系要加分 ! 跟住落嚟终于要到戏肉。第一次食我叫咗个豆卜萝卜米线，因为我听人哋讲呢度嘅萝卜好出名同埋我钟意食豆卜。跟住见到碗米线上台𠮶一下，我心入面哗咗一声，好多韭菜阿!!! 因为我钟意食韭菜所以我写咗要多韭菜，但冇谂过有咁多。所以话呢间餐厅真系够晒足料。我叫咗普通酸小辣。可能因为小辣嘅关系，个酸味太突出，辣味同谭仔三哥嘅五小辣差唔多。但系因为有好多肉碎导致成个米线真系好香好好食。豆卜就一般啦，冇咩特别。个萝卜OK好食，有少少甜味。米线同云
地点好近尖沙咀地铁站，B出口行2分钟都唔使。不过要提一提嘅就系大家唔好咁傻猪猪行楼梯上去，佢左边系有升降机的。我哋第一次就系行楼梯上去，作为一个好少运动嘅人都咪话唔辛苦。
餐厅基本上全部都系卡位，坐落都几舒服。重点系佢入面播紧啲歌全部都好对我嘅口味，旧嘅广东歌又有，英文歌都有，就连一啲比较旧嘅TVB电视剧主题曲都有。听起来舒服嘅同时都可以成为同朋友之间倾计嘅话题，呢部分真系想畀满分佢。
整体嚟讲环境十分舒服。而且职员态度都唔错，我哋问咗好多问题都好有耐性咁答我哋。呢一点真系要加分 !
跟住落嚟终于要到戏肉。第一次食我叫咗个豆卜萝卜米线，因为我听人哋讲呢度嘅萝卜好出名同埋我钟意食豆卜。跟住见到碗米线上台𠮶一下，我心入面哗咗一声，好多韭菜阿!!! 因为我钟意食韭菜所以我写咗要多韭菜，但冇谂过有咁多。所以话呢间餐厅真系够晒足料。
我叫咗普通酸小辣。可能因为小辣嘅关系，个酸味太突出，辣味同谭仔三哥嘅五小辣差唔多。但系因为有好多肉碎导致成个米线真系好香好好食。豆卜就一般啦，冇咩特别。个萝卜OK好食，有少少甜味。米线同云桂香差唔多，算系偏软。
因为太好食，所以我第二日同朋友一齐去食。今次我挑战中辣，结论就系如果你平时食开辣可以直接挑战大辣，佢嘅中辣同小辣差唔多，搞到我怀疑佢系咪搞错咗张单。今次我哋有叫唐生菜同油麦菜，唐生菜就普普通通啦。但系佢油麦菜几好食，几爽口。夹起来捞捞个汤仲好食。
Overall，十分推荐平时钟意食云桂香同谭仔三哥嘅朋友去试试。引用返我朋友所讲，佢个汤底就好似落咗大麻一样好食，会令人上瘾。
张贴