影片
更多
2016-05-11
403 浏览
我最钟意同朋友一齐烧烤，因为可以慢慢食，又可以消磨时间；但有时又会怕油腻会肥……女仔就系咁矛盾。不过，有朋友就介绍我去食呢间好特别嘅韩烧，个名叫「暴风吸入」。听完𠮶刻，呀，咩名嚟架？真系唔敢相信自己对耳，仲以为佢玩我……点知上OPENRICE 一打，就真系有呢间嘢。（都唔明点解要改个咁奇怪嘅名）朋友话呢间韩烧嘅特色系食物唔使自己拎，落单之后，食物就会送上。之后，就会有个纯正OPPA出现帮你烧嘢食，畀钱食嘢嘅客人唔使自己烧，负责食就得喇，真系啱晒我呢啲懒人。另一个卖点呢，就系少油！原来呢度同嚟烧嘢嘅铁板有啲唔同，佢系斜嘅。换言之，即系一边烧，啲油就会流向下倾嘅一方或蒸发咗，而唔会再附喺啲肉度。听落又真系好符合我要求㖞，好啦咁，一于就试下。虽然最传统的韩式烧烤只以麻油和盐调味，不过餐厅就特别调制了5款酱汁，迎合年轻人口味。一去到，我就梗系想知点解个名咁奇怪啦～可能餐厅都预咗香港人唔明，就将个解释写埋入MENU里面！原来「暴风吸入」系韩国嘅潮语，用嚟形容啲人好似风一样快咁食嘢……而呢样行为，对佢哋嚟讲仲系一个享受！真系好特别！入尘之后，你会发现愈来愈多客人，不过主要都系韩国人！主要系因为呢间
不过，有朋友就介绍我去食呢间好特别嘅韩烧，个名叫「暴风吸入」。听完𠮶刻，呀，咩名嚟架？真系唔敢相信自己对耳，仲以为佢玩我……点知上OPENRICE 一打，就真系有呢间嘢。（都唔明点解要改个咁奇怪嘅名）
朋友话呢间韩烧嘅特色系食物唔使自己拎，落单之后，食物就会送上。之后，就会有个纯正OPPA出现帮你烧嘢食，畀钱食嘢嘅客人唔使自己烧，负责食就得喇，真系啱晒我呢啲懒人。另一个卖点呢，就系少油！原来呢度同嚟烧嘢嘅铁板有啲唔同，佢系斜嘅。换言之，即系一边烧，啲油就会流向下倾嘅一方或蒸发咗，而唔会再附喺啲肉度。听落又真系好符合我要求㖞，好啦咁，一于就试下。虽然最传统的韩式烧烤只以麻油和盐调味，不过餐厅就特别调制了5款酱汁，迎合年轻人口味。
一去到，我就梗系想知点解个名咁奇怪啦～可能餐厅都预咗香港人唔明，就将个解释写埋入MENU里面！原来「暴风吸入」系韩国嘅潮语，用嚟形容啲人好似风一样快咁食嘢……而呢样行为，对佢哋嚟讲仲系一个享受！真系好特别！入尘之后，你会发现愈来愈多客人，不过主要都系韩国人！主要系因为呢间舖系由韩国人打理，连侍应都系，所以多啲韩国人嚟都好，起码同声同气先XD
晚餐始终唔prefer食咁多，所以都系点咗个2人餐，有猪有牛，满足我同朋友仔！拣咗牛肋条同猪腩肉，再拣埋「海鲜韮菜饼」。唔想再叫肉，就点咗个海鲜，就系芝士烧鲍鱼！！因为我哋对酒无咩兴趣，都系饮酒算。
开始烧之前，铁板就系咁样，上面系空嘅，咩都无。
之后，食物陆续到齐，OPPA就会主动过嚟开始施展工夫。斜板预热之后，OPPA做一样做嘅，就系将唔同嘅配菜放喺四周，点解？因为一阵啲肉烧嘅过程中，就可以吸引咗𠮶啲油同埋肉汁……
可以放肉未？好似未㖞，呢个时候，OPPA唔系放肉落去烧，而系拎一嚿肥肉放喺板上面，一边拖著肥肉，一边令肥肉嘅油脂溢出，之后再放肉到上面。
OPPA首先烧嘅系牛肉，佢一边烧，我就一边影，反正我又唔使自己烧。我朋友就翘埋双手喺度等食XDDD
OPPA佢将牛助条剪开之后放喺斜板上面，之后就用火枪往上面喷火加热……型呀喂！搞掂之后，佢就将肉逐块夹到架上，然后就烧猪腩肉。
牛肉食落「韧」咗少少，可能烧得有点过熟，不过唔油，仲几有牛肉味。
猪腩肉好快都烧好咗，我就快啲嗱嗱声试埋。
然后我就跟住佢个 MENU上面嘅指示，蘸下啲酱汁同夹下生菜食，又好似真系惹味啲。
猪肉比牛肉系滑啲，我今次将佢同埋啲韮菜一齐食，好好味。虽然我哋唔系好多肉类，但我觉得啲配菜都好值得讲。因为配菜真系意外地好食，菠萝、南瓜、薯仔呀呢啲原来咁样整又几有风味。不过我最欣赏嘅就系韮菜，因为真系劲JUICY！我觉得个味道好似新疆串烧𠮶种烧韮菜，所以畀我食晒XD
芝士烧饱鱼，真系好正！平时食鲍鱼，啖啖肉我已经食得好满足，呢个仲要加埋芝士系上面烧，真系好邪恶！重点系食完都唔系好觉得「腻」，真系好神奇！
仲有样未讲，就系个「海鲜韮菜饼」。唔知系咪因为最后食，朋友同我都觉得好似唔系好够味。不过，都算几足料，有墨鱼、虾……好彩我哋无因为贪心而点芝士饭同芝士蛋卷，如果唔系应该会饱到行唔到……只系食咗上面咁多嘢，都已经觉得饱……餐厅好大，虽然我无影到环境，但系空间感真系好够，绝对唔会为咗做多啲生意，放多几张台，搞到好挤逼。通风系统亦做得好，冇咩油烟味，烧完之后，个袋同衫都唔会好臭，实在值得一赞。
韩烧嚟讲，呢餐饭真系完全系「懒人餐」，我同朋友食得又饱又梳乎！多谢服务嘅 OPPA！
张贴
