成記飯店 (已結業)

三号风球底下，再次同朋友光顾这间街坊饭堂，可能打风落雨关系，食客唔算太多，但当我地坐低后，就逐渐见到唔少街坊熟客冒雨都来帮衬，可见呢度真系街坊饭堂！今次一行5人，老板向我地介绍左一味椒盐猪扒炒饭，份量都几大，于是我地另外只叫多左三个𩠌，生炒骨，苦瓜炒排骨，系谂紧第三样既时候，老板贤哥就向我地推介一味---新鲜鸡子，佢话本身有客人预订左，但因为打风关系，客人无黎到食饭，于是向我地推介，呢味鸡子非常新鲜，入口即溶，好少食到呢种口感既鸡子，就算本身唔太好鸡子既朋友，试过之后都爱上左，老板就话如果下次想食，要预先order，因为唔系日日有！下次一定要再食😋😋😋另一推介就系椒盐猪扒炒饭，份量超够超足料，猪扒非常香口，炒饭亦非常够镬气，朋友食得非常满足😝😝😝老板同我地讲，天气就转凉，好快会有羊腩煲上市，暂定21/10就有得食，老板仲话佢地既羊腩煲同出面既唔同D，叫我地一定要试试，羊腩又系我另一最爱，到时一定要黎试试😋😋😋