影片
更多
2018-01-20
247 浏览
星期四，黎东涌呢个感觉悠闲的地方，多数去观光，一系就血拼。但今次我系去开会，系几大心理压力下，想揾个地方食得好味，又坐得舒服，可以俾我叉好电变劲量兔先搏鬪。由于人生路不熟，上open rice睇下有咩食，揾到有飨和民，应该稳阵，望下菜牌，同和民差唔多，就拎飞仔了，因为一个人的关系，1分钟都唔洗就有位坐！ 内里和风装修，因为楼底矮，又遇著午市人潮，满晒坐，所以都几嘈下。唔知佢几时开张，员工们手忙脚乱咁，感觉好似快餐店，唔似招呼周到的日式餐厅，叫左是日精选，秘制炸鸡定食，好快食物送到，定食有主菜炸鸡，沙律，白饭，面鼓汤，日式蒸蛋。炸鸡干身松脆唔算油腻，可能呢间分店行快餐模式，炸鸡黎到唔热了，沙律求其，得九牙同生菜，粟米几粒，车厘茄都无粒，酱汁又少。蒸蛋够滑同热，唔错。面鼓汤同水无分别，淡踎踎，仲衰过用粉开的面鼓汤。最弊系餐具都洗得唔干净，匙羹有残迹，问店员拎第二只都一样，第三次我见佢用布抺左先俾我，好唔掂！我计划食晒成个餐先嗌餐饮，因为我食完个餐仲应该有时间先去开会，咁样可以慢慢饮。点知咁就出事了，我个杯冻奶茶少甜少冰过左半个钟都未黎，期间催左两次，我由唔心急变左心急。跟住谂谂下唔对路，万
由于人生路不熟，上open rice睇下有咩食，揾到有飨和民，应该稳阵，望下菜牌，同和民差唔多，就拎飞仔了，因为一个人的关系，1分钟都唔洗就有位坐！
内里和风装修，因为楼底矮，又遇著午市人潮，满晒坐，所以都几嘈下。
唔知佢几时开张，员工们手忙脚乱咁，感觉好似快餐店，唔似招呼周到的日式餐厅，叫左是日精选，秘制炸鸡定食，好快食物送到，定食有主菜炸鸡，沙律，白饭，面鼓汤，日式蒸蛋。
炸鸡干身松脆唔算油腻，可能呢间分店行快餐模式，炸鸡黎到唔热了，沙律求其，得九牙同生菜，粟米几粒，车厘茄都无粒，酱汁又少。蒸蛋够滑同热，唔错。面鼓汤同水无分别，淡踎踎，仲衰过用粉开的面鼓汤。最弊系餐具都洗得唔干净，匙羹有残迹，问店员拎第二只都一样，第三次我见佢用布抺左先俾我，好唔掂！
我计划食晒成个餐先嗌餐饮，因为我食完个餐仲应该有时间先去开会，咁样可以慢慢饮。点知咁就出事了，我个杯冻奶茶少甜少冰过左半个钟都未黎，期间催左两次，我由唔心急变左心急。跟住谂谂下唔对路，万一埋单再等半个钟咪死，所以第三次催就顺便嗌埋埋单拎走饮。
原来呢到嗌左埋单，佢会印张单俾你拎出去俾钱，好多余，俾得单我不如收埋钱啦😒，跟住我拎住张单去收银处，其实又即系落单兼俾茶水的地方，同一个员工兼负责晒落单，打单同收银，唔怪之得咁慢啦。
呢度真系比较适合游客黎食，我谂本地客应该唔会再返黎...
张贴
