囍越 (屯門市廣場) (已結業)

暴雨连连，商场食肆绝对系最方便舒服，眼见朋友落汤鸡咁，都系唔好去街边打冷，佢会湿上加湿😂所以都系留系商场食好啲🙈好耐冇食过越式河粉，叫碗火车头河粉都好，够多唔同种类配料，生牛肉，牛丸，牛筋，牛栢叶，牛腩。牛丸迷你颇弹牙，牛筋软腍，牛栢叶够爽口，生牛肉鲜嫩，河粉幼身薄滑，配合清甜汤底，整体味道不俗。呢期钟情食海南鸡，今餐都唔例外又叫左半鸡食~ 鸡脂肪应该经过多番过冷河将油脂通通去除，女仔最钟意😆鸡肉嫩滑冇骨，而且仲要啖啖肉，酱汁亦有3款选择，随自己口味添加，我就钟意点酸辣青柠鱼露，朋友就独爱蒜香十足既蒜蓉酱。成日食咖哩牛腩咁闷，今次食下顺化鲜茄牛腩，转转新口味。牛腩用左大量蕃茄，洋葱烹调，酸甜新鲜茄汁浓稠，牛腩经酱汁慢慢煲煮，酱汁渗透牛腩变得软嫩，非常好食。朋友好奇问我咩叫炸蛋，因为佢系menu见到炸蛋软壳蟹沙律呢个item， 其实好简单，就系炸鸡蛋。炸蛋流心度颇高，软壳蟹炸至酥脆，#木瓜 切得非常幼细，清爽生菜混合酸辣沙律汁异常开胃，想食更多野。