影片
更多
2008-08-11
1 浏览
见天口无咁热, 建议晚饭打边炉. 有人想去旺角行行先, 稻香/小肥羊啦, no way, 我有更好建议.小店位置之难找, 真系好几次连的士大佬都投降, 你话鼓油街间酒店隔一条街啦, 个个都识行. 成条街都系车房, 对面系教堂, 就系一间食店咁大把. 零装修, 企理有冷气电视, 同事们"啊"一声坐低.职工头围(五人)用饍, 菜单如下:1. 萝白猪骨煲 : 萝白绝对无渣, 滚返一个钟咁上下就够哂淋. 猪骨唔系桶骨, 无得啜, 只有咬肉同软骨. 2. 本地肥牛 : 收得68蚊碟当然唔系街市货色, 有牛味, 唔会一灼即散.3. 羊肉片 : 冰鲜货色, 质素合格, 唔会滚成碎肉, 但个人嫌膻味不足.4. 四宝丸 : 不是上品, 但粒粒俾足料, 够咬口. 算合格.5. 鲩鱼片 : 唔系脆肉鲩, 要小心灼, 否则变鱼肉碎, 几鲜, 亦是合格.6. 贵花蚌 : 爽脆甜, 上乘. 价钱近百, 与酒楼相约, 但物有所值.7. 美国桶蚝 : 个人觉得大大只鲜味不足的蚝该炸不该烚.8. 菜蔬类 : 无过失, 全部食得.9. 鼓椒炒蚬 : 呢个比较一般, 份量同蚬既大小鲜度都可以, 就系吐沙吐唔清洁, 食蚬最苦
小店位置之难找, 真系好几次连的士大佬都投降, 你话鼓油街间酒店隔一条街啦, 个个都识行. 成条街都系车房, 对面系教堂, 就系一间食店咁大把. 零装修, 企理有冷气电视, 同事们"啊"一声坐低.
职工头围(五人)用饍, 菜单如下:
1. 萝白猪骨煲 : 萝白绝对无渣, 滚返一个钟咁上下就够哂淋. 猪骨唔系桶骨, 无得啜, 只有咬肉同软骨.
2. 本地肥牛 : 收得68蚊碟当然唔系街市货色, 有牛味, 唔会一灼即散.
3. 羊肉片 : 冰鲜货色, 质素合格, 唔会滚成碎肉, 但个人嫌膻味不足.
4. 四宝丸 : 不是上品, 但粒粒俾足料, 够咬口. 算合格.
5. 鲩鱼片 : 唔系脆肉鲩, 要小心灼, 否则变鱼肉碎, 几鲜, 亦是合格.
6. 贵花蚌 : 爽脆甜, 上乘. 价钱近百, 与酒楼相约, 但物有所值.
7. 美国桶蚝 : 个人觉得大大只鲜味不足的蚝该炸不该烚.
8. 菜蔬类 : 无过失, 全部食得.
9. 鼓椒炒蚬 : 呢个比较一般, 份量同蚬既大小鲜度都可以, 就系吐沙吐唔清洁, 食蚬最苦也.
10. 白灼鹅肠 : 又再俾人闹, "点解唔就咁叫嚟做火锅料?", 因为佢灼得比我灼好食啰. 附有少许油脂既鹅肠, 味美之余又有嚼劲, 与坊间普遍既食用胶大不相同. 另有鼓油皇炒鹅肠, 风味亦不错.
11. 鼓油王炒面 : 一点马上俾人闹, "边有人打边炉食炒面?", 问题不是打边炉, 而是系万发食饭就系要食炒面, 最后我唯有作出包底承诺压倒群众既不满情绪. 还好这个招牌菜永远百发百中(我现时既经验是七发七中). 鼓油咸甜适中之余, 面同鼓油炒得够匀, 条条分明毫不含糊, 搭上完美比例的芽菜同葱段, 我有理由相信呢个系全港最既鼓油皇炒面. 即使有人曾经觉得打边炉唔可能食炒面, 佢地都系咁食系咁食...
12. 鼓椒炒蛏士 : 唔知68蚊系咪做左公价, 好多小菜馆都收呢个价钱. 蛏子肥美多汁, 鼓油咸味轮且微辣, 大大碟不止二十只, 太抵食.
头围职工食野真系唔等人, 一个钟松D已经KO哂以上所有食物. 二围职工(三人)唯有再点菜:
13. 重覆11. 12. 原来头围职工发觉头先唔够喉...
14. 手切本地肥牛: 贵三十蚊系好有原因的, 九十八蚊绝对值回票价.
15. 其他火锅料 : 鱼虾菜肉又一堆.
16. 炸大肠 : 呢个菜水准有D飘忽, 今晚咁又无左层肥膏了, 脆口当然无问题.
17. 沙锅鸡 : 第一次食既时候觉得好有新意既一个菜, 沙嗲鸡锅, 再俾碟油炸鬼去沾汁食. 惹味之余口感有多种组合. 但系水准又系无定向, 鸡选得好的, 可惜有D煮过龙, 鞋鞋地. 沙嗲汁还好, 香得嚟唔过咸. D鬼就谢哂, 完全唔脆.
如是者两围用膳时间共3小时, KO左八个小菜, 十八个火锅料, 汽水啤酒等等, 居然食得多过自助老边... 埋单千四蚊, 由于有人做老细, 所以大伙觉得超抵食, 咁实际上都几抵食既.
小菜馆有度好, 唔收加一之余, 几乎你俾几多钱就食返足料既菜, 唔洗多计佢服务装修等等, 草根如我岩哂.
张贴