影片
更多
2015-06-16
340 浏览
两口子做完运动医医肚就赶紧返去休息，好困喇！再次黎到晓厨，最紧要快靓正又抵食。除左位收银叔叔外全部师傅都系新面孔噃，outlook 比上一代 young 好多，唔知出品如何呢？叫两个餐有点心有饭有菜有野饮，再散叫多个盅头饭，$130 有找？系铜锣湾区抵食到出奇，加 $18 蚊有埋紫砂炖汤添，但依家都差不多九点半，卖晒噜，无缘，失望。调味酱料都好齐全，我要自家甜豉油、自家辣椒油、豆瓣酱够晒。甜豉油捞蒸饭，再捞埋辣椒渣超惹味！豆瓣酱、自家辣椒油配虾饺、烧卖或潮州粉果同样出色。肚饿到打晒鼓，立即起动，我唔客气喇！即炒蒜蓉菜芯，菜芯坚靓，潮州粉面舖无得比！即炒劲有镬气，香喷喷送到。炸蒜好香口，菜芯翠绿爽甜，充满水份，忍唔住一捆捆咁塞入口，正到爆！蟹籽烧卖，冒住烟出场，气势都赢左大半啦！颜色鲜明夺目，卖相讨好，见到已经流晒口水！烧卖系我最钟意既点心之一，因为啖啖肉啰！无须犹豫，成粒啪入口，顿时爆汁！质地结实充满肉汁，真材实料，仲带淡淡蟹籽清香，回味无穷。水晶虾饺，即叫即蒸无得输！时间拿捏得好，唔会蒸到溶溶烂烂。虾仁鲜爽加上笋尖更爽，味道刚刚好又 juicy，两个爽，好味。蜜汁叉烧包，好弹手又暖笠
两口子做完运动医医肚就赶紧返去休息，好困喇！再次黎到晓厨，最紧要快靓正又抵食。
除左位收银叔叔外全部师傅都系新面孔噃，outlook 比上一代 young 好多，唔知出品如何呢？叫两个餐有点心有饭有菜有野饮，再散叫多个盅头饭，$130 有找？系铜锣湾区抵食到出奇，加 $18 蚊有埋紫砂炖汤添，但依家都差不多九点半，卖晒噜，无缘，失望。
调味酱料都好齐全，我要自家甜豉油、自家辣椒油、豆瓣酱够晒。甜豉油捞蒸饭，再捞埋辣椒渣超惹味！豆瓣酱、自家辣椒油配虾饺、烧卖或潮州粉果同样出色。肚饿到打晒鼓，立即起动，我唔客气喇！
即炒蒜蓉菜芯，菜芯坚靓，潮州粉面舖无得比！即炒劲有镬气，香喷喷送到。炸蒜好香口，菜芯翠绿爽甜，充满水份，忍唔住一捆捆咁塞入口，正到爆！
蟹籽烧卖，冒住烟出场，气势都赢左大半啦！颜色鲜明夺目，卖相讨好，见到已经流晒口水！烧卖系我最钟意既点心之一，因为啖啖肉啰！无须犹豫，成粒啪入口，顿时爆汁！质地结实充满肉汁，真材实料，仲带淡淡蟹籽清香，回味无穷。
水晶虾饺，即叫即蒸无得输！时间拿捏得好，唔会蒸到溶溶烂烂。虾仁鲜爽加上笋尖更爽，味道刚刚好又 juicy，两个爽，好味。
蜜汁叉烧包，好弹手又暖笠笠，忍唔住揸多两野，好有手感，好温暖！呵呵呵！搣开睇您收埋啲咩先，好香叉烧味喷出，急急咬返啖，味道甜美，叉烧带香浓厚猪肉味，靓野黎㖞！
梅香咸鱼肉饼饭同北菇鸡球饭既卖相都超靓仔呀，闪闪发光！想两款都食晒去啊，但连清两盅饭实在会太饱，好采今晚有朋友仔一齐分享啫。
咸鱼同肉饼都好香呀，大啖索好鬼 high！即时流晒口水。落两羹甜豉油再将咸鱼、肉饼、靓饭混为一体，好好味呀！肉饼 juicy 弹牙，被梅香咸鱼既咸香紧紧抱住，再加上咽韧饱满既干爽靓饭，完全停唔到手，一定要大羹大羹咁队落口先够满足呢！
北菇蒸鸡球饭，依度无骨啖啖肉，啱晒我依啲进化懒型食肉兽，哈哈！同样射两羹甜豉油先，依个份量两羹刚好。捞捞捞，连鸡带饭掉入口中。吾吾吾，好味啊！鸡柳嫩滑弹牙，腌得入味，添上甜豉油既清香，非常心动！北菇保持湿润爽弹，菇味香浓，增添不少色彩。
我无鸡不欢，一开波啲鸡柳全部被我消灭！剩返一粒粒干爽饱满既饭粒，捞上自家甜豉油及自家辣椒渣，美味！净食已经够晒正，推介！
开心既时间好快完，又系时候讲 bye bye！空空的我到来，饱饱的我离开，不带走半个的外卖！全部食物 knock out！
张贴
