影片
更多
2018-07-12
384 浏览
晨早已比个红的眼镜阿伯司机激亲，唔想接人、唔想等人、唔想入机场系度阿支阿左嘈喧巴闭 ﹗讲话自己几多层楼、几多架的士、几多生意，您咁有钱就咪鬼出黎楂的士啦﹗火都黎，我忍无可忍，您走啦福佳 ﹗我咪 call 另一部的士入机场啰，一定要受您气搭您架车咩，最后我仲好有礼貌话唔紧要添呀﹗搞到入机场既时间用多左十几廿分钟。Check-in 完，如果去翠园饮茶似乎太赶，是但再次何洪记。刚刚 12 月尾北海道回港坐足 5 个钟先落机已经好肚饿喇，美女仲问点解要何洪记，最紧要快又最紧要就脚，食完可以立即上的士回家，要有粥粉面点心又唔能够太难食，咪只得一间啰。机场无咩选择拣麻，仲要问，激死。免费红茶，好重飘白水味㖞，洗手还是漱口架，做 1 比 99 消毒够晒杀菌。四眼哥哥提醒部份点心要蒸上廿十分钟架，要计下够唔够时间呢，够细心值得一赞﹗水饺面走葱，虽知只有云吞面才是米芝连 1 星，其他菜色都平凡无惊喜，但食到好闷咯，试试下都好。水饺藏在汤底下，您呃我唔到既，一挑全部蒲头喇。水饺形状美观吸引，半透明的饺皮，使得馅若隐若现非常诱惑，认不住立即往嘴里塞。整粒入口结实不松散十分有赵头，虾爽微鲜略咸，猪肉微甜略咸，
火都黎，我忍无可忍，您走啦福佳 ﹗我咪 call 另一部的士入机场啰，一定要受您气搭您架车咩，最后我仲好有礼貌话唔紧要添呀﹗搞到入机场既时间用多左十几廿分钟。Check-in 完，如果去翠园饮茶似乎太赶，是但再次何洪记。
刚刚 12 月尾北海道回港坐足 5 个钟先落机已经好肚饿喇，美女仲问点解要何洪记，最紧要快又最紧要就脚，食完可以立即上的士回家，要有粥粉面点心又唔能够太难食，咪只得一间啰。机场无咩选择拣麻，仲要问，激死。
免费红茶，好重飘白水味㖞，洗手还是漱口架，做 1 比 99 消毒够晒杀菌。四眼哥哥提醒部份点心要蒸上廿十分钟架，要计下够唔够时间呢，够细心值得一赞﹗
水饺面走葱，虽知只有云吞面才是米芝连 1 星，其他菜色都平凡无惊喜，但食到好闷咯，试试下都好。水饺藏在汤底下，您呃我唔到既，一挑全部蒲头喇。
水饺形状美观吸引，半透明的饺皮，使得馅若隐若现非常诱惑，认不住立即往嘴里塞。整粒入口结实不松散十分有赵头，虾爽微鲜略咸，猪肉微甜略咸，木耳就脆卜卜，质感丰富㖞，肉汁滋润，合格。
大地鱼汤浓郁厚身少许浆嘴未够清爽，味道还可以。加入大量辣椒油，辣油够香够辣，开胃醒脑刺激。极幼微爽面条挂上如此香辣汤汁，大大力索入口，无比的快感及喜悦。
蚝油芥兰，烚菜天价 $50 个大洋呀，返入市区可以食到大大碟镬气炒菜呢，睇您有几好食。幸好茎爽甜脆口又鲜嫩，系叶就差少少略有苦涩。
白灼鲜牛肉汤面走葱，普通一碗牛肉面索价 $65 蚊，真的太离谱喇，变态租金明白的。滑潺潺劲松牛肉最讨厌，腍劈劈无牙都赵到，腌味浓而浊，入得口唔难食既。何解不能保留牛肉天然的味道与质地呢？
香甜汤底并上微爽的面条一向有保证，虽然平凡未见特别出色。懒得叫侍应要辣椒油，创新一下捞台面既辣椒酱啦。撞埋既味道怪怪的，比原味更难食，哈哈。
蟹子烧卖皇，即叫即蒸非常好，不过要耐心等候廿分钟。高质无位给我挑剔，卖相骨子又靓仔，肉球结实甜美又多汁，虾爽鲜甜香，蟹子香喷喷，撞埋一齐有惊喜。依个早餐真系好贵﹗食饱好上路，又要飞美国被劳役 3 个星期，美女您要等我回来啊。
水晶虾饺，好生猛㖞 ﹗滚到左一粒右一粒，活泼奔放 ﹗新鲜出炉热腾腾，虾甜爽弹不过咸，虽然皮厚带黏，滚上辣椒油更加惹味可口。
豉汁凤爪，因为烧卖、鸡扎要蒸廿分钟，唯有是但凤爪。特厚蚝油豉汁包到凤爪实一实，一啜骨肉皮分离，芡汁十分甜，再加上豆豉味真的有点浊。
叉烧肠粉，以前平平无奇，淡淡然的演绎，依家大有进步 ﹗皮滑薄薄通透，大量叉烧粒分布平均，每一啖都食得到叉烧香甜松软，瘦肉不肥，清香甜豉油薄薄的不呛不浊，好味道。
皮蛋瘦肉粥，最讨厌泡粥 ﹗滚都没有滚过，欠火喉欠镬气，冻料沉底靠自己搅混，粥还粥、料还料，白粥有少少盐味，搭上咸咸的肉丝及微弹皮蛋肉，虽然只有少量皮蛋黄，整体唔难食。
云吞水饺捞面，仲咩剪我既长长幼面㖞？最憎搞到碎湿湿，您估细路仔唔识食面咩 ﹗食到疾住疾住，不能一气呵成啜啜啜，冻冻的爽面，不过不失可以啦。水饺包得实净不松散，虾仁加肉加木耳非常可口，云吞保持高水准，爽虾肉甜好味道。
免费红茶
6 浏览
0 赞好
0 留言
水饺面走葱
9 浏览
0 赞好
0 留言
水饺面走葱
8 浏览
0 赞好
0 留言
辣椒油
9 浏览
0 赞好
0 留言
蚝油芥兰
12 浏览
0 赞好
0 留言
白灼鲜牛肉汤面走葱
22 浏览
0 赞好
0 留言
辣椒酱
17 浏览
0 赞好
0 留言
蟹子烧卖皇
14 浏览
1 赞好
0 留言
水晶虾饺
32 浏览
1 赞好
0 留言
豉汁凤爪
14 浏览
0 赞好
0 留言
叉烧肠粉
5 浏览
1 赞好
0 留言
皮蛋瘦肉粥
12 浏览
0 赞好
0 留言
云吞水饺捞面
9 浏览
0 赞好
0 留言
云吞水饺捞面
23 浏览
0 赞好
0 留言
张贴
