日日涮 (已結業)

今日老公系美孚收工，我放假过左去接佢，行到去美孚新村揾食，之前系大陆食过蒸气锅一路都想揾返泥食，今日系呢面见到，试试佢，日日涮呢间名平时都有听过。上到楼梯，一望就见到，个场好大，而且阔落坐得舒服。中间位有个自助吧，有啲火锅配料，丸，菜，肠仔，栗米之类既，另一面就有沙律吧好快就上我地既海鲜锅嗱，哗，劲多呀，就咁望已经感觉新鲜靓仔！分开两层咁蒸。有龙虾🦞，蕃薯砚，圣子王，鲜虾，粉丝扇贝，青口同鲍鱼！海鲜配上炸蒜蓉已经好多吊起味道！样样都系新鲜的，仲识郁！而且鲜味非常！龙虾有膏添。食左咁多海鲜其实都已经6.7成饱，再叫埋豚肉同牛片，肉片嫩滑够哂淋，一啲都不鞋口，肉味亦好够！系自助吧到仲有好多配料都系任食，干净企理，会不时有人添加。最尾食埋个精华鲜味粥，够哂绵又鲜味，加返小小豉油调味更正斗。最最最后泥多个名牌子雪精糕，大满足！不得不说价钱合理，海鲜新鲜又美味。坐得舒适环境又干净。一班朋友系到聚会都系非常适合既，生日泥紧准备再泥食过先！