秘 (享成街)

营业中

休息中

系餐厅出面等候嘅时候，其实已经见到2只死曱甴，但𠮶时候以为系条街污糟，所以就继续等。入去嘅时候𠮶条走廊有一只死曱甴，坐到埋位，我哋两个人坐喺厕所隔离，成间舖头都好油，所以我冇挨埋墙。食物系正常嘅，但系食食吓有曱甴喺正我隔离嘅墙爬，吓到弹咗起身，职员过嚟打死咗曱甴，之后唔知系咪心虚，竟然喺人食紧嘢嘅情况下度抹灯罩做清洁。我自然唔想坐返埋位，就话要调位，但职员全程冇帮过手，仲啧一声，我哋自己过咗隔篱枱之后，见到对面枱地下又有曱甴喺度跑。坐左冇耐，我哋枱嘅男人望住我身后地下好耐，我意识到应该系有曱甴，所以又企起身，果然另一只曱甴又跑过。已经食唔落去，嗱嗱临起身埋单，同收银职员反映你呢度好多曱甴可唔可以搞好啲清洁，但完全被无视，少少歉意都冇。其实我系可以报食环，只系听闻其他分店系正常都无谓搞咁大，但系荃湾店真系唔好去。