豪華餅店 (已結業)

同屈机哥食完下午茶，知道附近有间出名食蛋挞既饼店，埋完单就行过对面马路碰下运气。去到门口，有五六个人系度排队，个个都系叫蛋挞。心谂会吾会卖哂既情况下，照样排队试下。饼铺外面玻璃墙身贴满报纸报导同各式包饼价钱表，一目了然，方便排队时准备埋散银。虽则佢出名食蛋挞，但玻璃窗望入去，佢既面包同饼都好吸引，个个都好饱满，应该系真材实料。但岩食完tea就费事眼阔肚窄。轮到我喇，行入铺头，环境好窄，灯光比较昏暗，但更显出佢既古旧同历史。我地要左两个曲奇皮蛋挞，同一个酥皮蛋挞俾姐姐。蛋挞涵料部份好金黄色，好软滑，食落未感受到佢既度已经溶化系口度；曲奇饼皮望落有啲硬度，但食落即刻感受到佢既松脆，就好似某曲奇广告甘话斋，金黄松脆又有牛油既香味。但系个饼皮有啲干，食完想饼返啖水。加上吾系岩岩出炉，只系微温，口感同味道梗会差啲。因为酥皮系俾姐姐，我地两个就不予置评喇，但相信一样甘好食。