影片
更多
2017-08-24
75 浏览
今日同K先生一齐撑枱脚， 拣咗喺西青街呢间装修都几靓嘅《Mr Right》。我哋嗌咗个二人套餐，沙律系烟熏三文鱼凯撒沙律，虽然将烟三文鱼同埋凯撒沙律放埋一齐嘅机会唔少，但印象中自己好似未食过，今次呢个咁样嘅合体，令我喜出望外，个凯撒沙律汁嘅芝士味够哂香浓，伴随著新鲜嘅罗马生菜，再喺面头洒上一粒粒嘅烤烟肉碎 同埋面包粒，本身已经够哂滋味，若然连埋块烟三文鱼一齐食，简直系更上一层楼。餐汤方面我哋拣哂两款，每款各一碟，啱哂我哋呢啲贪心鬼，意大利蔬菜浓汤有好香浓嘅番茄味，里面用料丰富，有切成一粒粒嘅红萝卜翠玉瓜西芹同埋薯仔，粒粒都好腍好入味，特别钟意佢有蕃茄嘅香甜味得嚟又够哂酸，再加少少黑椒就更加正。黑松露忌廉汤，个汤除咗充满住黑松露味之外，仲可以饮到一粒粒嘅菇茸喺个汤入面，黑松露，忌廉加埋香菇嘅味道，系一个唔错嘅组合。卡邦尼意粉配53°温泉蛋，个温泉蛋上到枱仲十分之动L，用把刀轻轻将佢㓥开 ，啲蛋汁即刻流哂出嚟，加埋本身卡帮尼𠮶个意粉汁一齐食，就又够 creamy 又有蛋黄味啦。烧法国春鸡，春鸡嘅 size 介乎平时烧蜡档嘅白切鸡同埋乳鸽之间，叫得做春鸡，啲肉果然系特别嫩滑，同平时食开𠮶啲鸡
我哋嗌咗个二人套餐，沙律系烟熏三文鱼凯撒沙律，虽然将烟三文鱼同埋凯撒沙律放埋一齐嘅机会唔少，但印象中自己好似未食过，今次呢个咁样嘅合体，令我喜出望外，个凯撒沙律汁嘅芝士味够哂香浓，伴随著新鲜嘅罗马生菜，再喺面头洒上一粒粒嘅烤烟肉碎 同埋面包粒，本身已经够哂滋味，若然连埋块烟三文鱼一齐食，简直系更上一层楼。
餐汤方面我哋拣哂两款，每款各一碟，啱哂我哋呢啲贪心鬼，意大利蔬菜浓汤有好香浓嘅番茄味，里面用料丰富，有切成一粒粒嘅红萝卜翠玉瓜西芹同埋薯仔，粒粒都好腍好入味，特别钟意佢有蕃茄嘅香甜味得嚟又够哂酸，再加少少黑椒就更加正。
黑松露忌廉汤，个汤除咗充满住黑松露味之外，仲可以饮到一粒粒嘅菇茸喺个汤入面，黑松露，忌廉加埋香菇嘅味道，系一个唔错嘅组合。
卡邦尼意粉配53°温泉蛋，个温泉蛋上到枱仲十分之动L，用把刀轻轻将佢㓥开 ，啲蛋汁即刻流哂出嚟，加埋本身卡帮尼𠮶个意粉汁一齐食，就又够 creamy 又有蛋黄味啦。
烧法国春鸡，春鸡嘅 size 介乎平时烧蜡档嘅白切鸡同埋乳鸽之间，叫得做春鸡，啲肉果然系特别嫩滑，同平时食开𠮶啲鸡完全系两回事，外皮又烧得香脆，做到真真正正嘅外脆内软，特别钟意佢啲配菜劲多款式，分别有茄子，露荀，车厘茄，仲要有大量我至爱嘅 zucchini，仲要系连黄色同埋绿色都有添，滋味满足。
椰子奶冻，椰子奶冻椰子味略嫌争咗少少，不过个奶冻嚟讲绝对够哂香同埋滑，牛奶味都唔错㗎。
Monin 黑朱古力酱双重雪糕球，呢一只源自法国嘅朱古力酱源远流长，品牌历史已经超过一百年，选用最上等天然原材料同埋香料嚟研制启发世界各地餐饮业口味的新产品， 𠮶只朱古力味果然系分外唔同。
张贴
