韓牛韓式燒烤 (已結業)

如果单单食韩烧唔足够满足，咁呢间餐厅就非常适合你。 餐厅除咗提供韩烧之外，仲提供各式各样韩式料理，鱼生、海鲜、寿司、沙律、甜品等等，一应俱全。韩烧肉类方面，有牛肉、牛仔骨、猪扒、鸡肉、鸡翼、肥牛等等。海鲜方面，有三文鱼、多春鱼、鱿鱼等等，各类蔬菜同丸类亦一应俱全。食物嘅种类多， 如果想试多啲唔同嘢食，就每样都唔会食得太多。除咗有三文鱼刺身，海鲜仲有青口、蚬肉、虾选择。另外又有唔同嘅寿司同手卷选择。韩式料理当然唔少得各类韩式配菜，例如有泡菜、腌萝卜、大豆芽等等。除咗有各式炸物，仲有沙律选择。连濑尿虾都有得食。最后当然唔少得甜品。除咗有杯装甜品同蛋糕外，仲可以自制棉花糖，又有朱古力喷泉同雪糕机。仲有唔同款式嘅雪条同雪糕拣。