鳴虎 (東港城)

营业中

休息中

东港城日式超市内开左一间新拉面店，感谢祭血拼之后见到6点至9点有饺子(或者汽水) 送咁抵，就坐底左食拉面。日本鱼干猪骨汤拉面 $88汤底带浓香鲣鱼香味，原来用左4种鲜鱼熬制，猪骨汤白雪雪够浓厚，唔会死咸，浓郁汤底一般会配较粗同有咬劲嘅面底，呢度都唔例外，配料有黑目耳丝，紫菜，温泉蛋1只，叉烧3片，叉烧用上火炙五花腩，食完暖笠笠，加口清爽麦茶，满足。虾味噌猪骨浓汤拉面 $88另一碗试虾味噌，一上枱就见到洒上满满樱花虾粉，虾香扑鼻，汤底用北海道鲜虾同樱花虾粉，味噌咸中带甜，配料同样是黑目耳丝，紫菜，温泉蛋1只，叉烧3片。小食叫左芝麻鸡翼 $48, 炸得好香脆，连鸡翼尖都唔可以放过。龙虾沙律$38 跟5块紫菜，可以包住龙虾沙律食，38蚊有2大球龙虾肉，感觉赚到了，满满龙虾肉混入蟹籽同沙律酱，紫菜香脆，口味清新，做头盘配搭一流。个人觉得对比对面的大型拉面店，呢间鸣虎汤底更浓郁，唔死咸，面底更有弹性，坑口街坊又多一个美味拉面嘅选择。