孔夫子 (Club East洞天) (已結業)

坐落喺商业区中嘅餐厅，佢嘅菜式比起一般嘅有啲唔同，比较有创意但系系好食嘅。例如呢个芋头酥，佢中间加咗带子，下面有少少蔬菜碎，食落去冇平时，成口都系芋头蓉咁漏。食落去非常松化👍🏻👍🏻另外上汤牛肉球，比平时放喺蒸笼入边嘅，比较滑口。而且入边唔会食到任何碎骨或者一粒粒嘅牛肉碎，芫荽味亦都调得好易入口。只可惜个小笼包就比较普通。啱啱上菜已经系扁晒嘅状况🙀入面亦都冇平时会有嘅肉汁漏出嚟。但入面嘅肉馅咬落去就juicy嘅🧆虾饺来讲系我食过最好食嘅虾饺。入面嘅馅好足料，而且调味啱啱好。虾饺皮好弹牙，唔会做到好厚😋环境来讲装修都几靓而且服务态度良好。星期日嚟，好多人但佢哋都好有礼貌😊