黃金燒味 (已結業)

同老公两个每年都去书展行下买下书，今年都无例外，不过就打算食左野先行过去会展，医饱肚先慢慢睇，星期六晚书展收零晨时份，有足够时间。经过有间黄金烧味餐厅，应该新开张无几耐，不如就试试佢，因为睇到门口Menu主打烧味外还有其他蒸煮选择，都好吸引。日日蒸品餐 $88老公拣左拍蒜豆豉蒸仓鱼，健康啲又惹味𩠌饭一流，即叫即蒸需要点时间，包左白饭，老火汤，时菜还可+$3 转冻饮。蒸鱼上枱热辣辣，鱼肉算滑醮点蒜蓉豉汁好惹味。加 $3 冻柠茶 油菜用骨汤浸熟入晒味！住家炖骨汤餐 $108除左烧味双拼，可选烧鹅或乳猪配当中任何一款烧味，我 order 左乳猪，可惜乳猪已售罄，所以选左烧鹅拼叉烧，白饭改食米线添！半肥瘦叉烧够淋身，而烧鹅就皮脆肉质较实肉，腌料腌得刚好，跟白饭面类都好夹。就系为左呢个淮山杞子螺头煲鸡汤，饮落香浓又足料，味道唔错饮后无口喝，正呀两个人均$120 有找都可以接受。