四季良晨 (新都城中心) (已結業)

病咗几日个人冇晒胃口，今日终于好番啲。下午赶去将军澳见客冇食午餐，做完野已经三点半，肚仔饿到打鼓之际，发现呢间「四季良晨」。呢间位于将军澳新都城中心嘅台湾美食小店，内里装修摆设十分精致，令人如置身于小书店中，充满书香气息。嘅可以一边食嘢，亦很适合打下咭。下午2:00-5:00，餐厅有下午茶餐供应，款式多而且十分抵食。我和朋友分别选了份「手工芝士火腿蛋饼配地瓜薯条」（$42）和「卤肉伴面」（$28），然后跟餐加咗木耳和拍青瓜（+$18）。另外，再点多两款小食「盐酥花枝丸」（$26/3粒）和「盐酥鸡排」（$38）。全部都系我钟意嘅台湾美食，味道全都不错。而当中我特别喜欢手工蛋饼，配上地瓜薯条，我觉得几特别。另外，盐酥花技丸亦很正，值得一试。可能病完特别好胃口，所以有少少吾够喉，所以再追加多个「红烧牛三宝面」！哗～～ 呢碗面超大碗。台湾面软硬适中。而牛三宝包括有牛腩、牛筋和牛肚，用料十足，配埋微辣嘅汤底，当然系正啦。佢仲有个麻辣牛肉汤底可选，喜欢食辣嘅朋友仔，可以试吓。食得台湾野，当然吾少得加埋杯大大杯冰冻珍珠奶茶啦，咁先至够满足吖嘛。