影片
更多
2014-01-03
2337 浏览
数月前曾同几位食友嚟曼谷泰菜试食，深觉水准不俗，传统泰菜做得有板有眼，新创菜式亦有惊喜，难得泰藉厨师功夫扎实，但又唔守旧。之后，有朋友问过食泰菜有无好介绍，当然入九龙城有大把选择，不过老友想港岛区，又想就脚，就再次想起曼谷泰菜。今次人少少，就无谓坐房咁大阵象嘞，虽然晌外面大厅，但一样坐得舒服，摩登嘅装修，以少少泰式摆设作为点缀，感觉唔会太满天神佛，又不失点点泰式风情！侍应有泰藉，亦有本地人，所以唔怕落单沟通有困难！香茅姜蜜（冻或热） $38先嚟一杯热香茅姜蜜，喺店方嘅自家制作，亮点喺天然挂帅，少甜而带有香茅清香，姜味添加出丁点辛辣，应该喺驱风「良药」，哈哈！泰式虾片 $15虾片新鲜即炸，上次嚟食时人多真喺一篮唔够喉，不过，今次人少啲一篮已可止止牙痕，跟上次一样香脆可口带点咸虾味。依家仲有埋外卖装，真喺合晒心意呀！冬荫公汤 $88（2位用）$168（4位用）$218（6-8位用)虽然汤类有成6款，如酸辣椰汁鸡汤、泰式鱼肚羹都几有特色，不过友人钟情于冬荫公，上次试过都知有水准，所以我又唔介绍饮多次㖞。红红嘅冬荫公汤，入口绝对酸香醒胃，重重嘅泰式香料，香茅、南姜、柠檬叶……等等，令味道复杂有
今次人少少，就无谓坐房咁大阵象嘞，虽然晌外面大厅，但一样坐得舒服，摩登嘅装修，以少少泰式摆设作为点缀，感觉唔会太满天神佛，又不失点点泰式风情！侍应有泰藉，亦有本地人，所以唔怕落单沟通有困难！
香茅姜蜜（冻或热） $38先嚟一杯热香茅姜蜜，喺店方嘅自家制作，亮点喺天然挂帅，少甜而带有香茅清香，姜味添加出丁点辛辣，应该喺驱风「良药」，哈哈！
泰式虾片 $15虾片新鲜即炸，上次嚟食时人多真喺一篮唔够喉，不过，今次人少啲一篮已可止止牙痕，跟上次一样香脆可口带点咸虾味。依家仲有埋外卖装，真喺合晒心意呀！
冬荫公汤 $88（2位用）$168（4位用）$218（6-8位用)虽然汤类有成6款，如酸辣椰汁鸡汤、泰式鱼肚羹都几有特色，不过友人钟情于冬荫公，上次试过都知有水准，所以我又唔介绍饮多次㖞。红红嘅冬荫公汤，入口绝对酸香醒胃，重重嘅泰式香料，香茅、南姜、柠檬叶……等等，令味道复杂有层次，大头虾啖啖肉，鲜香好食。友人果真好钟意冬荫公汤，连添几碗，相信佢都饮得好满足。
泰式生虾刺身 $98一客8只生虾卖$98，其实都几抵食，泰式生虾最好趁冻食，摊暖咗就口感会差咗截。生虾夹埋块蒜片，沾点特制辣汁，食落虾肉鲜甜爽口，如怕辣嘅加埋块薄荷叶一齐食，可缓和一下辣度。
荔枝虾球 $88专灯推介俾友人，真喺值得一试再试嘅菜式，上次嚟喺新出菜式，纯为试菜，所以价钱待定，依家知道定价$88，唔贵㖞。原粒荔枝包住去壳鲜虾酥炸，外层酥脆甘香，荔枝清甜多汁，虾肉弹牙鲜甜，配搭合宜，依然值得推介！
甜酸猪软骨 $92虽然似乎比较大路嘅小菜，但猪软骨肉质松化，软骨位有咬口，甜酸酱都做得甜酸有致，但唔算好特别嘅菜式，所以唔需要刻意去试，除非你本人好喜欢食猪软骨。
黄咖喱牛腩煲 $98食泰菜总钟意点个咖喱，再加啲蒜蓉包一齐食。黄咖喱牛腩煲，牛腩大大旧认真货真价实，兼且软腍松化，而黄咖喱入口辣味温和，带浓浓椰香，实属不俗。沾满咖喱汁嘅蒜蓉包，有咖喱香，又有蒜蓉香，个法包又烘得脆，有啲百吃不厌嘅感觉呀。顺带一提，焗蒜蓉包另计，$33 / 5件。
泰式海南鸡 $138（半只）$238（全只）新加坡嘅海南鸡食过好几次，但泰式嘅就少接触，个人觉得最明显分别喺新加坡嘅就伴黑豉油、辣椒酱及姜蓉，而泰式嘅就简单一啲只有一款泰式酱汁，咸咸酸酸。鸡只望落皮光肉滑，望真啲皮薄肉厚，但柔软嫩滑，而且去咗骨，方便食用，仲有入口带点点香茅及姜味，相信喺跟新加坡海南鸡嘅另一个分别。
泰式咸肉椰菜苗 $78泰式咸肉有啲似我哋广东人食嘅烧肉，试过又唔会觉得好有特色咁，但咸香惹味，而椰菜苗炒得非常爽脆，配搭埋啲咸肉，喜欢重口味嘅人会几钟意。
香芒椰汁糯米饭 $52．椰汁木薯 $48个香芒椰汁糯米饭跟上次嘅造型唔一样，睇埋其他食家嘅食评，真喺次次新款，不过，都离不开芒果、椰汁同糯米饭。糯米饭用上紫糯米沟白糯米，前者烟韧，后者软糯，淋上浓浓椰浆，实在好味，而芒果砌出玫瑰花形，赏心悦目，再者吕宋芒确实蜜香清甜，令极个甜品更得我心。至于椰汁木薯，口感粉粉，同样沾满椰浆，椰香在口腔内游转。两款美味甜品下肚，亦为今餐有个美满完结。
九龙城确实有好多高质泰菜馆，但对某啲人嚟讲，尤其港岛人，交通上始终唔多方便。前后两次尝过「曼谷泰菜」嘅手势，觉得水准保持到，加上价格合理，招呼服务都称心，依啲可能就喺佢嘅吸引力吧！
张贴
