影片
更多
2017-06-13
1876 浏览
有日有个朋友无啦啦问我有无去过曼克顿，我话有，但已经喺廿几年前嘅事，佢话间嘢边有开咁耐呀，𪠳！原来喺讲紧间餐厅，我讲紧嘅喺纽约曼克顿啰，哈哈。就喺咁，知道晌观塘区有家曼克顿嘅餐厅，是夜，同朋友嚟疯狂大擦天然安格斯，以食肉兽嘅我而言，爽到爆。一室以黑色为主调嘅型格装修，入门口喺酒吧区，唔打算食正餐，纯粹同朋友小酌吹吓水，坐呢度就最好，气氛非常轻松。再入少少就喺用餐区，屈个弯原来餐厅非常之大，环境宽敞，楼底又高，皮椅让人坐得好舒适。最吸晴相信喺墙上一幅黑白并以灯光打造出嘅曼克顿夜景。黑白嘅餐牌当然喺呼应番餐厅嘅主调，不过，灯光比较昏暗，影出嚟嘅餐牌比较蒙，所以，今次贴唔到出嚟俾大家参考。其实，如餐厅晌每张枱顶上加盏聚焦灯，唔单止影相会好啲，气氛亦可得以提升。自家制面包篮餐包都以白餐巾包住，有保温作用，送上枱时仲微微暖。原以为都喺同一款包，正想拎起手发觉内里喺两款小圆包加个迷你英式松饼，松饼仲混有唔少甘笋丝及合桃碎，有诚意。既为酒吧，又为餐厅，自不然饮品选择非常多，炎炎夏日，冰凉嘅饮品就叫人最爽，加上叹住扒，夹到无朋友。店长推介咗一系列鸡尾酒，友人就拣咗，不过，酒就唔喺太啱我，另一面嘅沙冰、
一室以黑色为主调嘅型格装修，入门口喺酒吧区，唔打算食正餐，纯粹同朋友小酌吹吓水，坐呢度就最好，气氛非常轻松。
再入少少就喺用餐区，屈个弯原来餐厅非常之大，环境宽敞，楼底又高，皮椅让人坐得好舒适。最吸晴相信喺墙上一幅黑白并以灯光打造出嘅曼克顿夜景。
黑白嘅餐牌当然喺呼应番餐厅嘅主调，不过，灯光比较昏暗，影出嚟嘅餐牌比较蒙，所以，今次贴唔到出嚟俾大家参考。其实，如餐厅晌每张枱顶上加盏聚焦灯，唔单止影相会好啲，气氛亦可得以提升。
自家制面包篮餐包都以白餐巾包住，有保温作用，送上枱时仲微微暖。原以为都喺同一款包，正想拎起手发觉内里喺两款小圆包加个迷你英式松饼，松饼仲混有唔少甘笋丝及合桃碎，有诚意。
既为酒吧，又为餐厅，自不然饮品选择非常多，炎炎夏日，冰凉嘅饮品就叫人最爽，加上叹住扒，夹到无朋友。店长推介咗一系列鸡尾酒，友人就拣咗，不过，酒就唔喺太啱我，另一面嘅沙冰、奶昔类就啱我多啲。
Apple Banana Shake $48以苹果、香蕉、橙汁及牛奶打成，香蕉味浓郁得嚟，都仲渗出丝丝苹果香，两者算得上味道均衡，不过，由于喺加入牛奶，而非雪糕去打成，所以，质感上无咁杰身，变得柔滑啲。
鲜虾、芒果、牛油果沙律 $128虽然目标喺嚟食扒，但都要平衡少少嘅，所以，点都要先揾碟沙律落肚，既开开胃，又补番多啲纤维质。鲜虾、芒果、牛油果都喺喜爱嘅食材，配点沙律菜垫底，淋上芒果浆，鲜艳夺目，清新健康，最紧要喺啲虾鲜爽，芒果清甜，牛油果够熟，成件事就会好协调。
牛肝菌忌廉汤 $52佢哋啲汤份量好足，两个人共享一客都无问题。个牛肝菌忌廉呷一啖，菌味坚浓郁，而且，混和细碎嘅菌粒，饮完好有饱肚感。
牛肝菌忌廉汤
$52
13 浏览
0 赞好
0 留言
友人所拣嘅龙虾汤，同样做得有一手，虾味香浓，彷如啖啖龙虾精华，而口感幼滑，汤内更有唔少蟹肉，绝无欺场嘅出品。
蟹肉龙虾汤
$72
18 浏览
0 赞好
0 留言
香煎意大利海鲈鱼柳 $198其中一位老友喺鱼痴，主菜选咗一道海鲈我都估到喺咁，海鲈煎得靓仔，仲有两大件之多，伴有西兰花、车厘茄及薯蓉，卖相立体。海鲈煎得外皮极香脆，鱼味不俗，但质感就未到最滑溜，有些微失色。
锯扒喺是晚嘅目标，佢哋有好多选择，唔喺讲鸡牛猪嘅选择，而喺净讲牛扒都好多选择，有平有贵，悉随尊便。朋友就推介美国品牌Aspen Ridge嘅顶级天然安格斯，卖点喺100%素食饲养，绝不使用任何生长激素、抗生素，总之就喺够天然。
美国Aspen Ridge顶级天然安格斯肉眼 $408/12oz安格斯有肉眼及西冷供选择，小弟喜欢肉味浓，就梗喺拣肉眼，反正要五乘熟，拿捏得好一样可以烧得软腍。烧肉眼万变不离其宗，少少盐同黑椒调味，烧出招牌式坑纹就对板喇！12安士嘅份量真喺唔讲得少，成块面咁十块，落刀一切真喺好软腍，色泽粉嫩却喺唔会有血水渗出，入口腍滑，带点油脂而富肉香，沾点烧汁，味道一流。唯一挑剔有两点，一就喺件扒有少少筋，影响咗少少口感；二就喺所伴嘅时蔬欠特色，幸而薯条炸得香脆唔油，拉番啲分。
美国Aspen Ridge顶级天然安格斯肉眼
$408
51 浏览
0 赞好
0 留言
威灵顿牛柳 $308依家少咗餐厅肯做威灵顿牛柳，因为嫌鬼烦，所以，难得依度有，友人就第一时间指定要试。酥皮内，除包住牛柳，仲放有唔少野菌粒，横切一刀，件牛柳焗得好靓仔，恰到好处，咬落好嫩滑，又有肉味，酥皮算做得松化！
忌廉菠菜 $38见佢哋啲额外配菜（Side dish）都喺卖$38，感觉几抵，大家又想再食多少少菜，故添多一客忌廉菠菜。啲菠菜煮得够晒腍，沾满忌廉汁，口感更柔滑，极有奶香，好食。
焗苹果酥饼 $68去到呢个位，点可以少得甜品过过口瘾。睇佢中文名会有少少误会喺千层酥之类，但睇埋英文就知喺苹果金宝，更伴有一球云呢嗱雪糕，底层苹果肉焗得软腍充满玉桂香，面面金宝粒唔算好多。
焗苹果酥饼
$68
27 浏览
0 赞好
0 留言
布朗尼又喺小弟另一心爱甜点，贪其味道浓郁，不过，曼克顿嘅出品无出面常见嘅布朗尼咁实净，偏向蛋糕嘅质感，但朱古力味确喺好香浓；然而，合桃并无加入饼身内，却喺焦糖化咗放晌饼面，小弟就较喜欢放入饼身内增添咬口感。
可能餐厅都好紧张啲出品，不时店长都走过嚟问问我哋意见，觉得啲嘢啱唔啱食，好唔好食。出品虽未至万无一失，但整体而言，食材喺有质素嘅，烹调手势亦不俗，只喺仲有啲细位可以执执佢，例如主菜嘅配菜呀，卖相呀。然而，服务就细心熨贴，见我哋喺「些牙」食，就不时帮忙换碟，让人感觉称心。
题外话/补充资料：
顺便赚埋「亚洲万里通」飞行里数！
(以上食记乃用户个人意见 , 并不代表OpenRice之观点。)
张贴
