影片
更多
2021-05-08
3050 浏览
最近一间泰国曼谷人气粉红系打卡餐厅Lady Nara黎到香港，登陆海港城，铺位前身系Blue Elephant Thai Brasserie，占地约4000呎，Nara系一间好有名气既泰国餐厅，而Lady Nara就黎呢间泰国曼谷米芝莲泰菜Nara既姐妹品牌，唔系食泰菜而系食Fusion菜，今次就黎一试呢间泰国曼谷过江龙到底好无食定系得个样。呢间Lady Nara有分两条线，一条系传统既泰色菜，而另一副线就系主打西式Fusion，而香港呢间系门口既罗筹机以拣食边条线，Nara Thai Cuisine就系传统泰国菜，而Lady Nara就系Fusion，主打特色欧陆菜式，加上泰国元素，两边食既野完全唔同。Nara Thai Cuisine连续多年获选「最佳泰国食府」，系泰国当地人气餐厅，成日去泰国既大家可能都已经听过甚至试过，而佢其实系两年前已经登陆香港沙田，开左第一间分店，但今次成为城中热话既系上年12月进驻既姐妹品牌Lady Nara，所以今次就试Lady Nara。餐厅秉承曼谷Central Embassy 总店风格，装修主要田园风同轻奢华风格，行入去已经感受到曼谷总店精粹，墙身
最近一间泰国曼谷人气粉红系打卡餐厅Lady Nara黎到香港，登陆海港城，铺位前身系Blue Elephant Thai Brasserie，占地约4000呎，Nara系一间好有名气既泰国餐厅，而Lady Nara就黎呢间泰国曼谷米芝莲泰菜Nara既姐妹品牌，唔系食泰菜而系食Fusion菜，今次就黎一试呢间泰国曼谷过江龙到底好无食定系得个样。
呢间Lady Nara有分两条线，一条系传统既泰色菜，而另一副线就系主打西式Fusion，而香港呢间系门口既罗筹机以拣食边条线，Nara Thai Cuisine就系传统泰国菜，而Lady Nara就系Fusion，主打特色欧陆菜式，加上泰国元素，两边食既野完全唔同。Nara Thai Cuisine连续多年获选「最佳泰国食府」，系泰国当地人气餐厅，成日去泰国既大家可能都已经听过甚至试过，而佢其实系两年前已经登陆香港沙田，开左第一间分店，但今次成为城中热话既系上年12月进驻既姐妹品牌Lady Nara，所以今次就试Lady Nara。
餐厅秉承曼谷Central Embassy 总店风格，装修主要田园风同轻奢华风格，行入去已经感受到曼谷总店精粹，墙身多为梦幻粉红色，加上绿色天然植物甚多加上绿色天然植物甚多典雅绿与粉红交叠，店内有唔小位置都好适合打卡，尤其系窗口边可以望住海港城既海景，另外近门口有一个藤千秋比人打卡，而店内座位都有D系泰国制孔雀藤椅，坐落舒适，卡位沙发都坐到三四个人，好岩一班闺蜜一齐倾计聚会。
之前已经好想试，有次星期六过黎个时系门口已经劲多人，罗完飞之后见到要等30张床就放弃左，之后一心谂住再战。有次下定决心谂住打去book位，系平日星期三，原来booking已经去到两个月后，佢有留位比人Walkin，于是大概夜晚6点几去到，人流反而无咩，等左2个字到就入左去，店员提供用餐时间得90分钟，我觉得要食野又要影相可能唔太够。
睇下餐牌，有前菜、沙律、汉堡包、意粉同烩饭，另外仲有肉类同海鲜，餐牌上既选举其实唔算多，大概每个类别有4款左右，而饮品方面有d好打卡既野饮，都有大家熟悉既泰式奶茶。值得一提系香港店有好多限定菜，多以海鲜为主。
-
1️⃣ 松露芝士薯条 💰68（👅: 7.5/10）
松露芝士薯条
$68
55 浏览
1 赞好
0 留言
松露芝士薯条几大碟，薯条系粗身，咬落够脆够松化，粉红色既系蒜蓉蛋黄酱，但点完唔太食得出特别好食，有上面既松露芝士已经足够，黑松露芝士酱识落松露味都足够，唔会话太过咸，咁当然同我食过最好食嘅松露酱将有距离，而且松露嘅香味欠奉。
-
2️⃣⃣ 软壳蟹和牛汉堡配薯条💰168（👅: 8/10）
软壳蟹和牛汉堡配薯条
$168
57 浏览
1 赞好
0 留言
同龙虾冬荫意粉比，呢个软壳蟹和牛汉堡份量就大得多，女仔一个人食应该会食唔哂。
汉堡入面系自家制既和牛汉堡扒同原只炸软壳蟹，加上冬荫功蛋黄酱同酸甜鸡酱，材料仲有蕃茄、菜同车打芝士。
汉堡味道唔错，面包有烘过黎，因为有冬荫功蛋黄酱，所以食落有小小辣。
入面既和牛汉堡，餐厅DEFAULT会整五成熟，如果无特别要求，不过有人讲过免治牛肉要食全熟，所以大家可以决定系食全熟定系medium，和牛食落够juicy，厚度适中。软壳蟹份量够大，炸得够干身，食落几多膏。
入面既每样食材系味道同质地上都处理得好好，但当所有食材连埋个包一齐食，就会发现包入面既水份太多，尤其系蕃茄，好多汉堡包既致命点就系落左蕃茄，蕃茄既水份会令到个包浸腍左，面包原身有烘过理应食落系香脆，但会比太多蕃茄水整到腍哂，而且太多水份令到面包食起上黎好狼狈，如果可以处理呢舍问题会系一个好出色既汉堡，呢家食落都算唔错。
汉堡会配份量唔小既薯条同埋一啲沙津菜，薯条有提供茄汁，薯条系粗直，食落唔会话炸到好㶶唔会好干身，而且会食到薯仔既味道，系唔错既薯条。
-
3️⃣⃣ 龙虾冬荫意粉 💰188（👅: 8/10）
龙虾冬荫意粉
$188
49 浏览
1 赞好
0 留言
呢样系其中一样香港店限定菜式，龙虾冬荫意粉入面有龙虾肉、蕃茄、蘑菇、柠檬草。
冬荫功味同龙虾味好平冲，唔会话边个抢边个既味，不过稍嫌冬荫功味唔够香辣。
龙虾肉大约有4-5旧，上菜仲会见到有条龙虾尾，用上波士顿龙虾，食落水嫩爽口弹牙，爆香后龙虾味道浓郁，系好品质够新鲜既龙虾。
意粉食落唔会煮到腍腍烂烂，软硬适中得黎带小小烟韧，配合番茄莎莎、鳀鱼等炒香，吸满酱汁带微酸十分开胃，不过份量就偏细，如果女仔食应该岩岩好，但男仔食或者好似我SHARE咁食就觉得唔太够喉。
-
4️⃣⃣ 原只香芋烤鸡💰328（👅: 8.5/10）
原只香芋烤鸡
$328
35 浏览
1 赞好
0 留言
呢样系另一样香港店限定菜式，系必食既香茅烤鸡，烤鸡有得叫半只或者原只，价钱分别系198同328，点单时店员有主动提醒要等40分钟。
餐厅服务非常好，首先会原只鸡上比人打卡影相先，之后就会罗返入厨房斩件，如果唔驶特别影相可以要求店员直接斩好件上菜。
鸡用上原只黄油鸡，用左鱼露、青柠汁、香茅等18 款香料腌制过夜，之后将新鲜香茅酿入鸡腔，再用 180 度烤焗半个钟，未食已经谂到烧鸡香味，腌得非常入味，鸡食落皮非常香脆，带酥香焦脆味，但只鸡系全熟既情况下，鸡肉都系充满肉汁，一啲都唔干，食落味道咸香十足，好少见到泰式烧鸡做到呢个状态。
另外仲提供个辣汁，辣汁用左罗望子，食起黎会有D酸味，小小辣更惹味。
-
5️⃣ 泰式奶茶意大利芝士饼💰88（👅: 9/10）
泰式奶茶意大利芝士饼
$88
46 浏览
2 赞好
0 留言
呢个系最IGable既甜品，上菜时会有一杯mascarpone cream比你倒落去，以前好似店员会可以帮你倒埋，呢家就净系比杯cream你自己倒。杯cream倒完落去个意大利芝士饼就会营造到好佚火山爆发咁，cream会满泻哂出黎，呢个唔系传统既Tiramisu，系一个Fusion版Tiramisu。
用匙羹将用匙羹将刮到底刮到底，食落会有Tiramisu既影子，偏甜，mascarpone cream比起平时花奶更浓稠细滑，意大利芝士饼食落软绵绵，口感轻盈，因为佢系用泰式奶茶取代espresso，所以就无咖啡味，我个人唔太钟意重咖啡味所以几岩我，不过泰式奶茶既奶茶就重，泰式奶茶口感Creamy，而且奶味较重，配上炼奶同白Rum酒浸头手指饼，轻盈而不腻，质感湿润，系一个几特别几好食既Tiramisu。
-
6️⃣ 玫瑰奶茶流心蛋糕💰88（👅: 7.5/10）
玫瑰奶茶流心蛋糕
$88
40 浏览
1 赞好
0 留言
系一个玫瑰奶茶口味既心太软，心太软用泰国玫瑰花茶底、茶叶等做成流心馅料，配搭消化饼碎同云尼拿雪糕，闻到小小花香味，心太软流心程度够，而且温度够热，食落有小小冰火交集既口感，食落泰茶味唔算好浓烈，但小小既玫瑰香令到成个甜品无咁漏。
-
7️⃣ 玫瑰泰奶茶💰48（👅: 8/10）
玫瑰泰奶茶
$48
38 浏览
1 赞好
0 留言
试左咁多杯呢杯最正常，将奶香、茶香、花香三者融合，饮落有花香味，重玫瑰香，入口香滑，口感层次丰富，不过茶味就比较淡，而且上面既cream比较薄身，比一般既泰式奶茶冇咁甜，唔钟意太甜既就好适合。
-
8️⃣ 荔枝玫瑰碟豆花茶💰48 （👅: 6.5/10）
个样睇落好梦幻，但好睇既野多数都唔好食，饮到荔枝味、玫瑰味、碟豆花茶味，但所有野夹埋一齐甜品怪怪。
-
9️⃣ 香茅碟豆花梳打💰48 （👅: 7.5/10）
要拌匀黎饮，甜中带有青柠清新感觉，算系比较正常又睇得既梳打。
-
🌟未黎之前会觉得餐厅D野都系打卡用，好睇唔好食，不过去完就觉得食物都可以，但我会更推荐去试下午茶，可以趁日头有阳光有日光，坐系窗边位影相，不过呢家订位系BOOK唔到窗边枱，所以坐唔坐到窗边位就睇要睇下好无彩。
野食黎讲有D正常，有D有惊喜，野饮好多都麻麻，如果以300蚊人均去食就唔太抵，但如果你有海港城COUPON就可以一试。
随左平时食FUSION菜之外，Lady Nara仲推出左田园野餐风既下午茶，有多款泰式点心，加入左好多泰国元素好似芒果脆糯米饭、斑兰英式松饼、迷你虾饼粉红汉堡、冬荫酱汁等，而且下午茶以野餐藤篮做盛器，仲会铺上红白格仔桌布，特别有田园野餐气息，仲会送Lady Nara限量版明信片一套同本地投寄服务。
-
👅味道: 8.5/10
🍴环境: 7.5/10
💰消费: $300人均 (服务费: 10%)
张贴
