Lady Nara

营业中

休息中

呢间系曼谷人气泰菜Thai Nara嘅姊妹品牌店，以梦幻粉红色作主题，连上菜嘅碟都系梦幻嘅颜色。今次试咗唔同嘅主菜同埋甜品，比较推介香茅烧鸡、蟹肉长通粉、芒果忌廉批配椰子雪糕同埋玫瑰奶茶流心蛋糕。香茅烧鸡用咗原只黄油鸡，加埋18种香料隔夜腌制，焗嘅时候仲会放埋香茅喺入面，上枱嘅时候已经闻到好香，鸡肉嫩滑多汁，食到好香香料味，点少少佢特制㗎辣汁非常惹味。蟹肉长通粉冇谂过会喺泰国菜店食到pasta，佢嘅长通粉软硬度刚好，加埋芝士忌廉嘅汁，少许creamy，长通粉入味。芒果忌廉批配椰子雪糕批皮保持脆，上面加埋新鲜嘅芒果同埋好滑既忌廉一齐食好正，好欣赏佢个椰子雪糕，超级新鲜同清新。玫瑰奶茶流心蛋糕平时喺出边食到嘅通常系朱古力流心，配合返泰国菜，入面用咗玫瑰奶茶做流心，非常特别，食到甜甜嘅奶茶味，味道偏甜。