影片
更多
2021-03-29
4541 浏览
相信好多人都认识呢间大坑寿司店，佢哋都应该开咗超过10年。其实咁多年以来佢哋嘅食物质素从来都冇差过，两位主要师傅专业得来亦和蔼可亲👍🏾 但唔知道有冇感受过佢哋几位女侍应嘅服务态度，简直系叹为观止，我亦都试过坐喺度嘅时候怀疑自己做咗啲乜嘢欠左佢哋，仲要唔系一个，系两三个都系咁🥴 但系基于我每次都系坐寿司吧，而且两位师傅嘅功力绝对能够盖过果几位女侍应嘅不足，所以都久唔久去帮衬下。但系啱啱今次嘅经历，真系打消左好多我对呢间餐厅回头嘅机会。事缘系咁，今次食晏亦都一如以往坐喺寿司吧，可能我每次系呢间餐厅嘅时候，啲女侍应嘅态度从来都冇改变过，expectation系零，所以都冇乜感觉。快快咁叫完12件寿司餐，同埋亦都有师傅去拣，避免太多交流，其实佢哋都表现到佢哋好似好赶咁。其实以啲侍应嘅态度我以为去咗澳牛🥴今次系由一位寿司师傅仔去造，佢望一望张单，已经好快咁攞咗一堆切好咗嘅鱼生出嚟，仲希望咁唔系我嘅食物之际，第一件已经放咗喺我面前🥴 其中一样令到我觉得唔爽嘅系，12件寿司里面有三款系打孖上，仲要两款系白身鱼，一款系赤身🤷🏾♂️我知有啲人会觉得，咁你做乜自己唔拣想食嘅嘢，我只不过但系从来冇谂过会同款
但系啱啱今次嘅经历，真系打消左好多我对呢间餐厅回头嘅机会。事缘系咁，今次食晏亦都一如以往坐喺寿司吧，可能我每次系呢间餐厅嘅时候，啲女侍应嘅态度从来都冇改变过，expectation系零，所以都冇乜感觉。快快咁叫完12件寿司餐，同埋亦都有师傅去拣，避免太多交流，其实佢哋都表现到佢哋好似好赶咁。其实以啲侍应嘅态度我以为去咗澳牛🥴
今次系由一位寿司师傅仔去造，佢望一望张单，已经好快咁攞咗一堆切好咗嘅鱼生出嚟，仲希望咁唔系我嘅食物之际，第一件已经放咗喺我面前🥴
其中一样令到我觉得唔爽嘅系，12件寿司里面有三款系打孖上，仲要两款系白身鱼，一款系赤身🤷🏾♂️我知有啲人会觉得，咁你做乜自己唔拣想食嘅嘢，我只不过但系从来冇谂过会同款，仲要系三样同款🤦🏾♂️🤷🏾♂️而附近嘅人有嘅牡丹虾，池鱼𠮶啲，我都系一一欠奉🥲另外隔离有咩手卷或者卷物，我都系冇，换来就系一旧饭上面放左一堆吞拿鱼蓉，我坦白讲口感真系一般
另外，我除咗一啲熟悉嘅例如海胆赤身外，我唔系好知自己食咗啲乜，呢位师傅仔除咗第一件有介绍过之外，之后𠮶啲全部都系放低咁之后继续默默耕耘，到最后食完我都唔知道自己食完。见到佢洗野我先问师父我系咪已经食完，佢先好愕然咁话：「吓，上最后一件啦㖞。」我心谂，你唔讲我点知，唔通真系要自己数住咩，不过都系心谂。我同我叫买单嘅时候，𠮶位女士应先攞个面豉汤俾我，系咪即系话俾我知，其实其他侍应都唔知道我食完。
另外一件事系，呢个师傅仔嘅白色寿司服确实太污糟，仲要系响我视线水平，喺一间唔系平嘅寿司吧师傅来讲，确实系低于水平之下。
不过呢一餐系我咁耐以来食得最快嘅寿司晏昼，睇返啲message时间，有落单开始，同我买单系16分钟，同去食餐澳牛差唔多🥴
大家又未至于要去black list呢间餐厅，但系如果再系记住一定要用返𠮶两位平时整开野嘅师傅，同埋尽量唔好同其他楼面嘅人有沟通，咁就应该食得开心😉
。
。
回头指数：🙅🏾♂️🙅🏾♂️🙅🏾♂️🙅🏾♂️（唉）
💰性价： 👎🏾👎🏾👎🏾👎🏾（纯粹以今次经验，平时食物真系good嘅）
（5粒填满嘅话💵 为最高）
131 浏览
2 赞好
0 留言
张贴
