影片
更多
2010-08-24
8 浏览
今日同男朋友都唔系好肚饿，知道湾仔附近开左两间froyo铺，我就提议走黎试下。一去到见到铺头面积都几大又有位坐，啱晒我地呢d当froyo系light lunch的朋友，一入铺头，少女店员主动介绍今日有两只Today Flavor，就系原味同芒果味。购买的方式有两种，根据重量磅秤或分大、中、小杯，此举我觉得较其他froyo铺来得有弹性，唔错。我同男朋友各自要左个中杯连两款topping，我要原味乳酪，toppings要左奇异果及店内新增的bran，男朋友要左芒果味乳酪加蓝莓、火龙果同椰果。Cashier前有3款sauce可以任加，有较传统的朱古力酱、冲绳黑糖糖浆及梅粉。(系呀，系「粉」呀)，我见有我钟意的黑糖浆又唔洗再另外加钱，当然要试下啦。俾完钱坐低要开餐啦，我个原味乳酪，少女店员店员都几阔路，份量不少，不过俾toppings个男仔就姑寒d，只系俾左一个spoon我，我问点解得咁少既，佢答我「啊，你想要多d呀？」我话当然啦，心谂……玩野咩，不过佢都有加多一个spoon俾我，算系咁啦。另外一个小插曲系当我男朋友正兴高采烈谂紧再追加多一款topping的时候，少女店员以为佢搅掂想俾番杯乳佢
一去到见到铺头面积都几大又有位坐，啱晒我地呢d当froyo系light lunch的朋友，一入铺头，少女店员主动介绍今日有两只Today Flavor，就系原味同芒果味。购买的方式有两种，根据重量磅秤或分大、中、小杯，此举我觉得较其他froyo铺来得有弹性，唔错。
我同男朋友各自要左个中杯连两款topping，我要原味乳酪，toppings要左奇异果及店内新增的bran，男朋友要左芒果味乳酪加蓝莓、火龙果同椰果。
Cashier前有3款sauce可以任加，有较传统的朱古力酱、冲绳黑糖糖浆及梅粉。(系呀，系「粉」呀)，我见有我钟意的黑糖浆又唔洗再另外加钱，当然要试下啦。
俾完钱坐低要开餐啦，我个原味乳酪，少女店员店员都几阔路，份量不少，不过俾toppings个男仔就姑寒d，只系俾左一个spoon我，我问点解得咁少既，佢答我「啊，你想要多d呀？」我话当然啦，心谂……玩野咩，不过佢都有加多一个spoon俾我，算系咁啦。另外一个小插曲系当我男朋友正兴高采烈谂紧再追加多一款topping的时候，少女店员以为佢搅掂想俾番杯乳佢不小心掉左好多toppings出黎，有d论尽。
讲番个味道，个乳酪base其实都唔错，比起铜锣湾某间大热froyo铺的出品已经唔算溶得太快，冰冻的感觉适中，奶味唔重不过乳酪味都唔重㖞，适合一d怕乳酪个种酸味的朋友。贪心既我除加左黑糖浆之外又加了一圈朱古力酱，确实加左黑糖浆伴原味乳酪一齐食，又几好味，可以弥补原味乳酪无变化的味道，有心思。
男朋友的左芒果味乳酪，对我黎讲，超难食！因为个只芒果味exactly系当你病时医生开俾你饮的有味咳水，好恐怖，其他toppings我已无兴趣再食。
食食下其间少女店员问我地，有无觉得佢地的出品太甜，我话无，都ok，未几佢就出左去派传单。
其实乳酪的质素中规中矩，不过不失只乏令人留下深刻印象的功力，同埋d店员有少少生手，唔，你要加油啦，如果唔系……
张贴
