影片
更多
2023-07-21
1148 浏览
早排白种元嚟香港四围揾美食，拍嘅片陆陆续续系 YouTube 上架，最多人谈论紧系去土瓜湾阳光餐厅果集啦!白种元系边个? 韩国大厨一名!最新一集 "好饿啊_香港" 第六集，佢地一行人去咗油麻地八文楼嘉多利饼屋，想话买法式布丁包，可惜行咗两转都买唔到!今日去开八文楼，咪顺便买嚟试吓啦，其实我唔多好布甸，嘉多利都系第一次嚟帮衬.入到饼店，女侍应话买布甸包要排队，但所有味都有齐! 吓? 有齐? 我仲以为得一款味咋! 咁有咩味呢? 于是侍应攞D牌出嚟，原来有法式布甸，合桃朱古力，开心果泡芙，泡芙布甸.我只系买咗合桃朱古力，开心果泡芙同泡芙布甸.20蚊一个话平唔平，鬼叫我穷咩! 食完睇佢值唔值先！食哩D布甸包应该用只匙羹嚟慢慢享受，唔系好似我咁一手𢲡起个包就放入口，咁无仪态食结果就紧系食到好狼狈.每款布甸包内馅都起软滑，入口即溶，朱古力味系我杯茶当然最欣赏朱古力味，而且朱古力味够香浓.由于食到好狼狈，所以暂停赛事! 上半场将食咗法式布甸同朱古力味，开心果味放入雪柜留翻下半场食.雪咗大约四个钟嘅布甸包变成另一种口感，比较似雪糕口感，而且甜度就减咗D，但容易D食.食完之后，20蚊一个包虽然贵但物有所
白种元系边个? 韩国大厨一名!
最新一集 "好饿啊_香港" 第六集，佢地一行人去咗油麻地八文楼嘉多利饼屋，想话买法式布丁包，可惜行咗两转都买唔到!
今日去开八文楼，咪顺便买嚟试吓啦，其实我唔多好布甸，嘉多利都系第一次嚟帮衬.
入到饼店，女侍应话买布甸包要排队，但所有味都有齐!
吓? 有齐? 我仲以为得一款味咋! 咁有咩味呢? 于是侍应攞D牌出嚟，原来有法式布甸，合桃朱古力，开心果泡芙，泡芙布甸.
我只系买咗合桃朱古力，开心果泡芙同泡芙布甸.
20蚊一个话平唔平，鬼叫我穷咩! 食完睇佢值唔值先！
食哩D布甸包应该用只匙羹嚟慢慢享受，唔系好似我咁一手𢲡起个包就放入口，咁无仪态食结果就紧系食到好狼狈.
每款布甸包内馅都起软滑，入口即溶，朱古力味系我杯茶当然最欣赏朱古力味，而且朱古力味够香浓.
由于食到好狼狈，所以暂停赛事! 上半场将食咗法式布甸同朱古力味，开心果味放入雪柜留翻下半场食.
雪咗大约四个钟嘅布甸包变成另一种口感，比较似雪糕口感，而且甜度就减咗D，但容易D食.
食完之后，20蚊一个包虽然贵但物有所值，最起码足料，味道同口感都唔错.
即时替白种元不值! 山长水远嚟到而咁正嘅布甸包食唔到超可惜!
嘉多利仲有其他面包，卖相都唔错，下次再嚟试试其他面包再出文.
张贴
