影片
更多
2023-12-27
149 浏览
真系第一次食嘢会嬲到想上嚟负评平安夜谂住食餐好嘅，感受下圣诞气氛，就打算食西餐。上OpenRice 见到评价唔错、性价比高、环境都舒服，就打算一试，结果一试难忘！入座：一入到去，个坐位有啲窄，唔算好舒服。佢啲枱系3排直行，2人对望咁坐，同隔离枱只系隔咗1个身位左右，而本身张枱都好细，大概2个人，1人1只碟已经好full。点餐：一嚟到见到份menu，价钱系每位638加一，已经吓亲，因为系比平时贵2,3倍。咁因为系圣诞节，就由佢，希望佢食物同服务质素可以搭救。食物：Seafood platter（冷盘：虾 青口 带子 鱿鱼 各一，好似去食自助餐每样夹一旧咁，配生蚝酱同柠檬）豆汤（后面睇review发现原来有餐包，但佢无比我哋）威灵顿牛（中间块牛同个酥皮分开上，个酥皮系毛巾质地，中间夹住啲火腿，块牛都系welldone的。佢应该有得简意粉或薯菜，因为我见隔离枱都系威灵顿牛系配意粉，但落单𠮶阵无人问过我哋想要配咩，就自动上咗薯菜😹）芝士火锅（无乜特别，啲配菜简咗虾、西兰花同猪肉，都系就咁烚熟上，份西兰花淋到一拮就散😹）甜品（已经系0期待佢嘅甜品，佢都可以比到惊喜我。menu有3款甜品，appl
平安夜谂住食餐好嘅，感受下圣诞气氛，就打算食西餐。上OpenRice 见到评价唔错、性价比高、环境都舒服，就打算一试，结果一试难忘！
入座：
一入到去，个坐位有啲窄，唔算好舒服。佢啲枱系3排直行，2人对望咁坐，同隔离枱只系隔咗1个身位左右，而本身张枱都好细，大概2个人，1人1只碟已经好full。
点餐：
一嚟到见到份menu，价钱系每位638加一，已经吓亲，因为系比平时贵2,3倍。咁因为系圣诞节，就由佢，希望佢食物同服务质素可以搭救。
食物：
Seafood platter（冷盘：虾 青口 带子 鱿鱼 各一，好似去食自助餐每样夹一旧咁，配生蚝酱同柠檬）
豆汤（后面睇review发现原来有餐包，但佢无比我哋）
威灵顿牛（中间块牛同个酥皮分开上，个酥皮系毛巾质地，中间夹住啲火腿，块牛都系welldone的。佢应该有得简意粉或薯菜，因为我见隔离枱都系威灵顿牛系配意粉，但落单𠮶阵无人问过我哋想要配咩，就自动上咗薯菜😹）
芝士火锅（无乜特别，啲配菜简咗虾、西兰花同猪肉，都系就咁烚熟上，份西兰花淋到一拮就散😹）
甜品（已经系0期待佢嘅甜品，佢都可以比到惊喜我。menu有3款甜品，apple crumble, opera cake, crème brûlée，我好中意食apple crumble ，点知佢落单话无，咁算啦，其余2款各一试下。去到食晒啲嘢，想佢上甜品，佢又再问我要咩。咁我见佢得2款，就话各一。点知佢话有3款，个Apple crumble又神奇地出现翻，都开心嘅，就要咗Apple crumble and crème brûlée 。crème brûlée 系全餐饭最正常嘅嘢，而个Apple crumble ，我真系唔知自己食紧咩，从未试过食甜品食到皱晒眉。首先佢系一个切唔开嘅批，上面有几块湿嘅苹果干，咬咗啖个批，劲甜，金莎咁嘅味，而啲苹果，如果唔系我知佢系苹果批，我真系唔知原来系苹果嚟，口感好似食纸巾🥹）
服务态度：
全部一睇就知系炒散妹妹嚟，上菜劲快，快到我系要自己拎住碗汤嚟饮，因为张枱已经无位。收餐碟劲慢，每次叫就收走一两只，再叫先再收，落甜品落3,4次先落到，埋单叫几次先埋到。
其实大家出嚟食饭都系求开心，其实圣诞节出去食呢个价好正常，但想要服务同食物质素好啲，真系大把选择。如果你正常价钱，都唔会咁嬲，你圣诞期间mark up咁多，比多少少尊重大家啦，唔洗当食客水鱼咁㓥嘅。
威灵顿牛柳
4 浏览
0 赞好
0 留言
张贴
