龍寶酒家

营业中

休息中

今日食完晏昼经过土瓜湾， 突然 落大雨，心谂不如坐低食个下午茶算， 咁啱得咁桥 见到龙宝酒家， 都知道呢间海鲜好抵食， 坐低咗见到隔离枱𠮶个叫烧鹅饭， 我冇理由又 食饭， 所以叫咗碗烧鹅米粉 口痕痕见到其他点心 自己 又想点， 不过我 忍住口， 谂住食碗米粉再叫， 见到隔离枱嘅矮瓜煎鱼肉好正， 大大件， 只不过系十几蚊 就有三件， 牛肉就差啲， 两粒仔细细粒， 人哋 𠮶碗 油鸡面都 大大碗， 但我冇理由嚟龙宝食鸡咁简单， 说时迟那时快我 碗烧鹅米粉 到咗， 一啖咬落去个皮仲香脆 ，啲烧鹅油必出嚟， 香到不得了， 加埋个酸梅酱油而不利， 下午茶嘅烧鹅绝对唔系hea你， 你睇下唔系得三两旧咁， 加埋两条好正嘅菜心 ， 真系够饱， 喺我仲谂紧点唔点多笼点心嘅时候， 有侍应就问我系咪啲嘢 都齐晒， 我口快快答咗齐啦， 咁我确实好饱，虽然 又好想食， 最后一碗烧鹅濑家 加埋 任饮嘅茶， 埋单 盛为 $46