影片
更多
2017-10-23
2843 浏览
今朝返工搭LIFT窃听到隔离三姑话帝景酒店入面有间叫帝景轩既餐厅个BUFFET逄星期三只不过系198蚊，就有齐龙虾，鲍鱼，蚝同长脚蟹等等，返到公司即刻二话不说约脚定位，放工之后立即驱车前往。喺酒店既对面系一咋广阔既表位，目测都有成四五十个，实属揸车朋友既佳音，到达时为七点半，呢度平日入表入到八点，入4蚊打爆佢，餐饭慢慢叹。由酒店外面到到餐厅入面既装潢都唔错，未入到去就可以远眺汀九桥既夜景，酒店果然系酒店啊吓。作为一个钟意食菜会会员，一开闸既时候梗系去扫吓个salad bar先，各款沙律菜都非常之新鲜，罗马，火箭，baby spinach呢三样贵价野，喺街市一执仔闲闲地都十几廿蚊，真系净系食菜都已经回到本。食完沙律继续冷盘，刺身方面种类未算繁多，除三文鱼外仲有鲷鱼同埋吞拿，不过大部分香港人包括我在内最钟意都系三文鱼既姐，三文鱼鲜味丰富，肉厚肥美，收货。长脚蟹肉鲜甜无比，海水味浓，每一枱都有几把较剪方便去壳，喺出面虽然属于抢手货，但系refill既速度都非常之迅速；冻虾只只虾头都有超多羔，肉质弹牙结实，剥壳𠮶阵经已feel到系正野；冻海鲜另外仲有翡翠螺同青口，青口略嫌咸咗少少，不过间住鲜甜
喺酒店既对面系一咋广阔既表位，目测都有成四五十个，实属揸车朋友既佳音，到达时为七点半，呢度平日入表入到八点，入4蚊打爆佢，餐饭慢慢叹。
由酒店外面到到餐厅入面既装潢都唔错，未入到去就可以远眺汀九桥既夜景，酒店果然系酒店啊吓。
作为一个钟意食菜会会员，一开闸既时候梗系去扫吓个salad bar先，各款沙律菜都非常之新鲜，罗马，火箭，baby spinach呢三样贵价野，喺街市一执仔闲闲地都十几廿蚊，真系净系食菜都已经回到本。
食完沙律继续冷盘，刺身方面种类未算繁多，除三文鱼外仲有鲷鱼同埋吞拿，不过大部分香港人包括我在内最钟意都系三文鱼既姐，三文鱼鲜味丰富，肉厚肥美，收货。
长脚蟹肉鲜甜无比，海水味浓，每一枱都有几把较剪方便去壳，喺出面虽然属于抢手货，但系refill既速度都非常之迅速；冻虾只只虾头都有超多羔，肉质弹牙结实，剥壳𠮶阵经已feel到系正野；冻海鲜另外仲有翡翠螺同青口，青口略嫌咸咗少少，不过间住鲜甜既长脚蟹同埋冻虾嚟食又唔错㖞，经过青口既咸鲜洗礼，令其它冻海鲜份外鲜甜，一凹一凸，最佳拍挡。
粉面既corner有专人服侍，由于主力都系食海鲜，就无攞到即叫即煮既粉面，不过见都要排吓队，应该都唔错，下次有机会会再试吓。
蒜蓉辣椒烧生蚝，烧生蚝只只都饱满肥美，入口仲好juicy，作为一只烧既生蚝都好新鲜，用蒜蓉同辣椒吊起个味，没有不好吃的理由。
蚝皇烩鲍鱼，鲍鱼同龙虾尾每位敬送一客，鲍鱼啱啱好一啖一只，size适中，蚝油既香味索哂入只鲍鱼入面，炆得又够哂腍，用啲鲍汁嚟捞埋条小棠菜一齐食，好味。
避风塘龙虾尾，一摆上枱已经好香，眼见啲炸蒜同埋椒盐包围住只龙虾尾叫人食指大动，龙虾肉爽口弹牙，好有避风塘风味。
海南鸡饭，呢度个海南鸡饭胜在可以自己不，钟意不几多就不几多，我就DIY咗一小啖饭仔，但系有好多旧鸡既版本，完全满足哂平时出街食海南鸡饭觉得啲𩠌太少，唔够鸡𩠌饭既压抑感；海南鸡肉质未算好滑，不过就劲有鸡味，特别推介个海南鸡，个酸辣味平均得好好，味道十分之正宗。
甜品为数不少，怕食唔哂随手攞咗几样，其中班兰蛋糕，朱古力蛋糕，朱古力吉士同埋木糠布甸都十分推介。
朱古力喷泉，呢个细个阿妈带我去名宝石既美好回忆，虽然宜家已经牛龟咁大，但系每一次见到都忍唔住做吓老而不，同啲细路一齐排队，怀缅一番；朱古力浆味道依然香浓，只系年纪大咗口味改变，唔可以好似细个咁我要打十个鸟。
张贴
