影片
更多
2020-07-02
3531 浏览
死佬中有啲单车热血狂热份子，天气有几热都照出车，小弟今日掹车边跟埋佢哋踩单车，路线由大埔、太和、粉岭、上水，一直踩到去罗湖，真喺隔条河就上到深圳，仲晌埋大水管度打卡。唔好以为好远，原来个半钟左右就搞掂。回程时，老友话点都要到「鸿淘豆品厂」打一打趸，参观豆品厂？原来，佢哋另设零售，一个价任饮豆浆，任食豆腐花，兼可以抖抖回吓气。查实位置真喺几偏僻，若非友人嚟过不下数十次，小弟真喺唔知有呢家隐世「豆花店」。虽然大热天时，但坐落都唔会大汗叠细汗，皆因地方大，空间宽敞。标题都讲咗「豆花放题」，俾低$14，会由店员装碗豆腐花俾你，之后，再食豆花，定斟豆浆饮，就用番呢只碗。一旁已备有姜汁糖水及黄糖，而冰凉豆浆亦放晌度任斟。我哋踩单车过嚟，当然有啲热，友人就推介豆花沟豆浆，因为啲豆花都几热，而豆浆又几冻，一下子贯啲冻豆浆落肚，心怕对肠胃唔喺几好，两沟再加啲糖水就啱啱好。豆腐花唔好谂住14蚊任食就俾啲次货你，人哋做得批发，当然打算长做长有，所思，豆腐花嘅质素一啲都无欺场。既有豆香，又滑溜，糖水加咗姜煮，姜味十足却唔呛喉。豆浆喺时间补充番水份及糖份，饮碗冰冻嘅豆浆就一流喇，啲豆浆应该喺无糖，所以，一定要落
查实位置真喺几偏僻，若非友人嚟过不下数十次，小弟真喺唔知有呢家隐世「豆花店」。虽然大热天时，但坐落都唔会大汗叠细汗，皆因地方大，空间宽敞。
标题都讲咗「豆花放题」，俾低$14，会由店员装碗豆腐花俾你，之后，再食豆花，定斟豆浆饮，就用番呢只碗。一旁已备有姜汁糖水及黄糖，而冰凉豆浆亦放晌度任斟。
我哋踩单车过嚟，当然有啲热，友人就推介豆花沟豆浆，因为啲豆花都几热，而豆浆又几冻，一下子贯啲冻豆浆落肚，心怕对肠胃唔喺几好，两沟再加啲糖水就啱啱好。
豆腐花唔好谂住14蚊任食就俾啲次货你，人哋做得批发，当然打算长做长有，所思，豆腐花嘅质素一啲都无欺场。既有豆香，又滑溜，糖水加咗姜煮，姜味十足却唔呛喉。
豆浆喺时间补充番水份及糖份，饮碗冰冻嘅豆浆就一流喇，啲豆浆应该喺无糖，所以，一定要落少少糖浆先啱味。豆味好浓郁，又够冻，饮完一碗，真喺整个人凉透心。
另一边，仲有个「开放式」厨房，制作小食、面食，所以，嚟到嘅人都唔喺个个谂住净喺食豆花、饮豆浆。
有啲咩小食、面食，一个小餐牌睇晒，其实，又几多选择㖞，若非仲要踩单车返大埔，真喺想整配猪手一丁呀。面食就唔好喇，小食就嗌少少嚟「些牙」吓。
烧卖 $10（6粒）卖得呢个价，都估算喺来货嘢，所以，都唔好太大期望，当过吓口瘾，垫吓肚就无妨。幸而，都唔太差，至少唔喺𠮶啲劲沟粉嘅货色。
鱼蛋 $10 （6粒）鱼蛋始终喺大家至爱，所以，嗌咗两客。啲鱼蛋大大粒，几弹牙，但鱼味呢？亦唔好抱太高期望，但亦唔失礼咁啦。
豆卜 $30既然人家本身喺豆品厂，所有豆类产品都喺自家制，故此，小食方面亦唔好错过其炸豆卜。豆卜炸得香口，又唔油腻，沾点甜酸酱，更去油腻感，着实唔错。
多谢死佬领军，带小弟踩咗呢条好玩又唔太难嘅路线，又到过几个打卡「景点」，连边境都去埋，小小相片同大家分享吓。
由于仲要踩返单车返大埔，所以，唔方便食咁饱，呢餐就当喺轻怡午餐，返到大埔就再整个下午茶先。
张贴
