PizzaExpress (V City) (已結業)

今次嚟到屯门vcity嘅pizzaexpress，环境唔错，用咗浅蓝色做餐厅嘅主题，感觉都几fresh，都几适合朋友聚会同埋情侣嚟食饭。意式焗肉丸。呢个肉丸都唔错嘅，伴著茄汁咁食，而且入面都几有肉汁，再加上特别嘅系有个小面包包住粒肉丸嚟食，面包都系松脆可口。海鲜披萨。呢个披萨同我认知中嘅披萨唔系好同，成个都系白色嘅，虽然材料好充足，有虾有蚬有青口有鱿鱼，但唔知点解食落个满足感欠奉，你当系好似食紧个冇架哩汁嘅印度薄饼，上面再放啲海鲜噉样，我就麻麻地呢个披萨喇。北京填鸭披萨。呢个非常之推荐。有时候食fusion菜如果整得唔好都几灾难性嘅，尤其是好似披萨同北京烤鸭噉样，就噉睇好似大缆都扯唔埋。不过佢哋嘅味道又出奇地匹配。北京烤鸭食落好香，再配上一啲烧烤酱，姜葱同埋青瓜粒，感觉就完全食紧北京填鸭噉样，不过系以披萨嘅形式上碟，我对呢味菜非常满意。总括而言，北京烤鸭披萨好食，环境又企理，系一间可以encore嘅餐厅。